Skuld gammel venskab

Fra Wikisource, det frie bibliotek

Klik for at forstørre
Navn
Forfatter	Jeppe Aakjær, 1927
Komponist	Skotsk folkemelodi
Midi
Ogg	Lyt her
Lilypond
Noder for begynder violin
Wikipedia link	Læs wikipedia artiklen

Skuld gammel venskab rejn forgo
og stryges fræ wor mind?
Skuld gammel venskab rejn forgo
med dem daw så læng.læng sind?

De skjønne ungdoms daw, åja
de daw så svær a find!
Vi´el løwt wor kop så glådle op
for dem daw så læng læng sind!

Og gi så kuns de glajs en top
og vend en med di kaw´
Vi´el ta ino en jenle kop
for dem swunden gammel daw

Vi tow- hwor hår vi rend om kap
i´æ grønn så manne gång!
Men al den trawen verden rundt
hår nu gjord æ bjenn lidt tång.

Vi wojed sammel i æ bæk
fræ gry til høns war ind.
Så kam den haw og skil wos ad.
Å, hvor er æ læng, læng sind!

Der er mi hånd do gamle swend!
Ræk øwer og gi mæ dind.
Hwor er æ skjøn å find en ven,
en håj mist for læng, læng sind!