17
referre et enarrare debet. Vnde obnixius deprecamur, velitis eundem cursorem nostro nomine in secreta camera benigne exaudire sue que relacioni hanc circa rem fidem prestare Indubiam. Nos quidem visatim agere semper erimus paratissimi. Cum hiis viuat et valeat ipsa Regia celsitudo in suo regimine semper prospera atque longeua. Ex arce nyborg xviij mensis decembris Anno mdvj°. 26. Ad regem anglie. Excellentissimo etc. Iohannes etc. Salutem plurimam cum nostri fraterni amoris affectu. Excellentissime illustrissime ac potentissime princeps frater et confederate charissime. frequenti admodum relacione didicimus subditos nostros de terra islandie grauibus Iniuriis affectos ac sepissime vestris a subditis molestari, Iura preterea nostra regia in dicta terra islandie solui solita a vestris subditis sepius recusari, quidque de oportuno remedio prouidere velimus, indies exoramur. Nos igitur vestra de benignitate confidentes has ad vos litteras damus, predicta iura nostra regia solui, prefatas Iniurias vestris a subditis emendari instantius postulantes subditis que nostris ne de cetero molestentur fauorabiliter prouideri. Ceterum mercator quidam vestro subiectus dominio per presentium latorem iohannem gotskalck nominandus emptionis causa certo nobis debito obligatur, lapso que solucionis termino, quas nobis merces promiserat, hec ad nos minime peruenere. huic querele nostre prouide consultum iri atque hunc fidelem nostrum iohannem goschalek quamcitius remitti instanter exoramus, quam rem, cum nobis gratissima sit, promta vicissitudine curabimus promereri. In hiis celsitudinem vestram Regiam altissimo facimus commendatam. Ex arce nostra helsingborgh x Ianuarii Anno mdviijo. 27. Ad Regem Scocie. Excellentissimo illustrissimo ac potentissimo Iohannes eadem gracia etc. salutem plurimam cum integerrimi fraterni amoris affectu. Excellentissime illustrissime ac potentissime princeps nepos amantissime. superioribus nostris litteris de tractatu atque recessu inter nos et lubicenses ceteros que eorum complices de hansa in regio nostro cast(r)o nykö(pingh) nouissime habitis certos vos reddidimus, tractatum atque recessum ad vos mediis vestris oratoribus dirigentes, ex cuius quidem recessus tenore euidenter constat lubicenses firmissime policitos esse, apud ceteras ciuitates de hansa et precipue dantzick, Rewell et Riige se acturos, prefatum tractatum et recessum a prenominatis eorum complicibus solide et inconcusse obseruari debere. Nos autem in effectum ut 1. B. 1. H. (1852.) 3
