18
prefata obseruarentur, proprium nostrum secretarium ad predictas ciuitates vna cum Lubicensium nuncio direximus Indubie sperantes, quam nobis promissionem fecerant, execucioni mandandam fore. Sed spe frustrati, quas hic responsiones inclusas habetis, redeunte secretario nostro suscepimus. Nouissime eciam paucis decursis diebus ad civitatem Sundensem certe naues suecorum eorundem mercibus onuste venere, quas quidem naues vna cum mercibus, optantibus nobis iuxta tenorem recessus ab ipsis sundensibus arrestari. missis ob hoc propriis nostris nunciis, ciues sundenses recessui minime parentes huiusmodi naues et bona in eorum portum ciuitatemque transduxerunt, causam fingentes huiusmodi bona fore mercatorum de hansa, eisque propterea bona sepedicta arrestare nullatenus licere. Sepedicte eciam ciuitates a predicti recessus tempore hunc vsque in diem cum rebellibus nostris suecis vt antea negociari minime cessarunt, eosdem rebelles in eorum rebellione et pertinacia confortantes nostri regii nominis in contemtum, ignominiam non modicam et iacturam. Quas quidem Iniurias et ignominias non iniuste ad animum reuocamus easque vobis nepoti nostro charissimo ceteris que nostris amicis et precipue nobis sanguine iunctis merito conquerimur et accusamus, vnde nobis cordi est principio future estatis armatam naualem parare in mare orientale dirigendam in effectum, vt suecorum ciuitatum que de hansa inuicem ¹) consueta commercia coercere valeamus, quo facto facile putamus rebelles suecos in obedienciam reuocari ipsas que ciuitates de hansa, que contra principum statum machinari non cessant, reformari posse. Quapropter excellentissime princeps nepos amantissime, nos de fraterni amoris soliditate integerrime confidentes, celsitudinem vestram Regiam instanter exortatam habemus, quatenus nobis duas naues adiunctis eorum nautis nauali bello aptatas accommodare ac infra pasca proxime sequens in portum nostrum haffnensem destinare velitis. De reliquis, quibus bellica negocia opus habent, ipsi prouidebimus Naues que vestras quam totius 2) poterimus remittamus. quod si naues vestre, vestris negociis impedite, hac estate vacare non poterint, alias naues vnam vel duas precio nostro comparandas per vos nobis disponi Rogamus. Ceterum amantissime nepos, cum ciuitates de hansa magnis nos Iniuriis affecerint non obseruantes recessus pacta publice inita, ipsas per vos scriptis auisari optamus, vt quos recessus verbo uel sigillo firmarunt, eciam opere exequerentur, cui auisacioni vestre si non paruerint, varios eventus exinde oriri posse exitus forsan difficiles habituros. Cui rei amantissimus pater vester anglorum rex non modicum vtilitatis afferre poterit, Quem pro auisando ciuitatibus de hansa super obseruandis recessibus vobis exorandum relinquimus, Celsitudinem vestram Regiam in prosperitate altissimo feliciter commendantes. Ex Arce nostra Regia Helsingborgh decima die mensis ianuarii Anno mdviijo. 1) Lectio non satis tuta. 2) sic, forsan leg. quam citius.
