25
nunc versari conspicimus, saluti nostre consilia et auxilia impertiri velitis, vices nostras, si vnquam nos requiri contigerit, indefessas recepturi. Ex viborgis anno nono etc. 2). 1) Add. nos odio. 2) Eiusdem fere argumenti, recensionis vero plane diuersæ litteras Iohannis regis ad regem Scotorum datas Viburgi 24 Mai 1509 Petrus Paruus Rosefontanus in Ref. calum n. etc. affert. fol. K. k. 36. Ad eundem. Quos nobis lectulos transmisistis, plurimum nobis delectacionis attulerunt, quamobrem ceterasque ob humanitates vestras nobis indefesse exhibitas grates immortales habemus. Innotuit preterea nobis, amantissime nepos, referente nuncio vestro certos equos nomine vestro comparatos esse, sed et preter hos v. R. celsitudini sex equos duximus transmittendos, quos gratanter acceptari rogamus. Ceterum quem nouissime nuncium ad nos misistis, pro sibi commissis negociis in poloniam iter arripuit. In hiis v. R. celsitudinem vna cum coniuge carissima, quam nomine nostro salutari Rogamus, altissimo commendantes. Datum ut supra. 37. Ad Regem scotorum. 1) Excellentissimo Illustrissimo ac potentissimo principi et domino domino Iacobo dej gracia Scotorum regj etc., Fratrj nepotj et confederato nostro charissimo, Iohannes Eadem gracia dacie Suecie etc. Salutem et omnis prosperitatis felicissima incrementa. Excellentissime Illustrissime ac potentissime princeps, Nepos amantissime. Inualuit nouissimo tempore contra nos lubicensium iniquitas in eum modum aucta, vt subditos nostros ciuitatem lubicensem mercandj causa petentes nullis eorum demeritis nec vlla auisacione premissa diro carcerj manciparent, Nec hijs contenti pro rebellium subditorum nostrorum confortacione multitudine numerosa naues emiserunt in nostrj nominis contentum non modicum et iacturam. Nos autem impune eos transire nequaquam passj principalem eorum Nauim reliquis tribus adiunctis adeptj sumus. Cuius rej successus latorj presentium Iohannj Gotschalck in hijs et alijs nostro nomine referendis fidem indubiam habituro vobis narrandos commisimus. Certissime etiam edoctj sumus, prefatos lubicenses, quibus salus nostra semper odio fuerat, nunc vltra solitum modum inseuire et in nostri nominis contemptum diuersimode machinarj. vestre igitur regie celsitudinis auxilia non minima confidentia deprecantes, duo milia satellitum nobis transmittj rogamus, vt nobis de illis principio future estatis cum armis et Nauibus in portu nostro haffnensi futuris confidere liceat, vestre quoque serenitatis rescripta medio latore presentium nobis referri debere. quod si huic desiderio nostro, prout minime diffidimus, morem gesseritis, rem nobis gratissimam efficientes, reciproca vicissitudine, 1. B. 1. H. (1852.) 4
