34
quando requiri contigerit, pro arbitrio habituri. valete. Ex arce etc. xxviij die mensis decembris Anno etc. 1) Hæc epistola ut et proxime sequens manu exarata est diversa ab altera utraque manu in codice nostro occurrente. 45. Ad Regem anglie. Nequaquam vos preterire arbitramur lubicenses in progenitores nostros regni dacie reges enormia facinora admississe, que qualia sint, difficillimum narratu est. Sed et in nos post suscepti regni gubernacula, quod in precessores nostros conceperant feruentissimum odium, continuare non cessant, tanto furore accensi vt salutem nostram nedum moleste ferant, vt hoc illis semper vsu fuerat, verum eciam adiunctis sibi complicibus totis pro viribus impugnant. Ingenti exercitu mare ingressi Sueciam petierunt, et quem inter nos subditos que nostros suecos nouum contractum nouerant, summa dil(ig)encia rescindere conati sunt. terras preterea nostre ditioni subiectas damnosis incendiis Inuaserunt, et cum a nobis nullis molestiis affecti sunt, quod contra omnes principes innatum odium gerunt, hoc solum eos in tantos erexisse insultus necesse est. Nos autem ne guerrarum quam iusticie cupidiores videremur, causam nostram principum arbitrio terminandam persepe obtulimus, at coram principibus comparere velle elatis lubicensium animis longe abesse visum est. Rogamus igitur, frater et confederate charissime, quoscunque lubicenses in vniuerso regno reperiri contigerit, hos omnes nauibus et bonis ablatis arrestari ac captiuos detineri, Et ut hunc seruitorem nostrum iohannem gotskalck vestro saluoconductu munire velitis, vt liceat ei per terras et dominia vestra ad excellentissimum principem dominum Jacobum scocie Regem nepotem et fratrem nostrum confederatum nostrum charissimum tute ire. Quod si in Regno vestro Inueniri contigerit satellites, qui propriis stipendiis per maris passagia lubicensibus insidiari velint, nostro nomine Spolia, si que fortuna dederit, diuisuri secundum nostras litteras, quibus dictis satellitibus de saluoconductu prouisum est, vt tales vestra sollicitatione inducti capite future estatis mare ingrediuntur sepedictis lubicensibus omnem, quam poterant molestiam illaturi, Et vt hiis negociis nostris consilia vestra inpertiri velitis, vehementer Rogamus. Naues preterea duas aut tres vna cum satellitibus ceterisque omnibus ad rem bellicam necessariis nobis in obsequium mitti, vt immediate post pasca proxime futurum in portum nostrum haffnensem sese recipiunt, preuio tamen vestro regio iussu, vt nostris aut filii nostri domini cristierni nostri loco mandatis dicti satellites sese obsequiosos gerunt. Et si, frater et confe(de)rate charissime, hiis deprecatiuis litteris nostris serenitatem vestram adire videamur, quam apud nos fidem habetis, hec nos excusabit. Redeat preterea in memoriam cum progenitore vestro facta confederacio, appareat fraternus amor vices nostras indefessas habiturus. Valete. Ex arce etc.
