39
54. Ad Regem Scocie cum Roberto bartwn. Serenissime rex frater nepos et confederate charissime. vt rerum nostrarum successus vos ut amantissimum nepotem nostrum lateant, dum nuncius fidelis affuerit, ferre nequiuimus. Hinc est, quod assiduis nostris litteris R. vestram M. rerum successu vario incitati occupatam reddimus. Siquidem posteaquam heraldus noster Norge vestris ex regnis ad nos in regna nostra vestris cum litteris est reuersus, Inimici nostri lubicenses, comparata ceterarum ciuitatum de hansa Rostock presertim Sunde luneborg et vismarie manu preualida, regionem nostram hostiliter adgressi vrbes agros domos incendio et ingne non absque incolarum cruenta cede vastauere. Nec hoc contenti solum, ymo et subditos nostros suecie Regni proceres et incolas contra firmatum nobiscum nouissimum federis pactum sibi in nostre euersionis et cladis scocios adquisiere. Qui faciliter eisdem adherentes, reiectis pacis tractatibus et federe vilipenso, regni et subditorum nostrorum iacture, vbi potes sunt, pro totis viribus intenti sunt. Eorum namque quidam paucis elapsis diebus terram nostram scanie depopulaturi cum certo armorum numero intrauerant, Quos aduersus nonnulli procerum nostrorum conflictantes eorum ducem excercitus neci exemplo ¹) dedere. Hic quidem eques auratus Aage hanssön nomine appellatus ex Suecie primoribus et nobis apprime infestus exstiterat, quem vbi sui neci datum conspexere, versis tergis, postquam eorum pars magna occubuit, annuente nobis iusto datore victorie e campo fugati sunt. Hinc conspici datur, Rex serenissime, quantas insidias lubicenses et sueci cum ceteris eorum complicibus aduersus nos regnum nostrum et eius incolas moliuntur, nostrarum rerum extremum interitum summopere affectantes. Quare R. M. V. ac fidelissimum et charissimum fratrem nostrum tanta necessitate inuocare compellimur, vt nos fraterno presidio aduersus tantos hostium nostrorum insultus non deserat, sed armatorum et nauium maximo quo potest numero nobis subueniat, fraterne optamus et petimus, classem que ipsam armatorum in hunc haffnie portum ad vltimum infra proximum pasca applicare magnopere desiderantes de eiusque viribus et potencia quam primum Regiis vestris litteris cerciorari. Et nos iterum per R. V. M. equali modo requisiti, sit rebus vestris tuta tranquilitas, pro status et regni vestri tuicione totis ex viribus nostris fraterno more certabimus. Datum quarta septembris Anno xmo. 1) sic. 55. Ad eundem scotorum Regem, presentate per Robertum bartun. Serenissime Rex frater confederate et nepos charissime. posteaquam in tanta bellorum discrimina aduersus inimicos nostros lubicenses deuenimus, compertum habe-
