43
velitis, Nos vobis singulari gratitudinis officio obnoxios facturi. In cristo etc. datum die loco quibus supra. to Huf Monbobining the ni on 61. ma Andreas bartwn. Johannes dei gracia etc. Constare volumus vniuersis, ad quos presentes littere nostre peruenerint, retulisse coram nobis andream bartwñ se preterita estate nauim quandam pipare aliis que diuersis mercibus onustam in mari occidentali cepisse. Et quia dictus andreas bartwn nobis familiarem sese gerit et coram nobis super huiusmodi causa iudicio sisti sese policitus est, Vniuersos et singulos, ad quos venire eum contigerit, attente Rogamus, vt eum nostri intuitu benigne suscipere velitis, non sinentes eum predicte nauis pretextu detineri aut quomodolubet iniuria molestari. Datum haffnie decima nona may Anno mdx sub Signeto. 62. Ad dominum Cardinalem senagaliensem. Reuerendissime pater. cum vacaret dudum prepositura ecclesie Roskildensis per consecracionem Reuerendissimi patris domini Erici walkendrop archiepiscopi nidrosiensis, Nos regio iure freti presentauimus ad eandem dilectum nobis dominum laurencium michaelis, Et quia dicte prelature confirmacionem ad apostolicam sedem notum est pertinere, eidem domino erico walkendorp in mandatum dedimus, vt confirmacionis negocium in fauorem dicti domini laurencii in optatum vsque finem diligenter solicitaret. Verum quia ea in re nichil adhuc responsi suscepimus, plurimum nostra interesse putauimus rem eam non aliter agi, quam Regio nostro iuri conueniat. Rogamus igitur, Reuerendissime pater, vt dicte confirmacionis negocium nostri intuitu assummere velitis, apponentes desuper diligentem solicitacionem vestram, Ne quidquam aduersi contra dictum dominum laurencium in confirmacionis negocio quisquam moliatur. presentauimus eciam dictum dominum laurencium ad decanatum haffnensem, et quia dicte prelature incompatibilitatem preferunt, eciam atque eciam Rogamus, ut in fauorem dicti domini laurencii dispensacionem impetrare velitis super predictis incompatibilibus simul retinendis. Expensas quas pro redimendis bullis fieri contigerit, dictus dominus laurencius ad plenum refundet. Reuerendissime pater, condescendat huic peticioni nostre, confirmacionis et dispensacionis bullas quam primum ad nos missuri, singularem complacenciam in hoc nobis acturi. Datum haffnie etc. 6*
