54
Jae Johannes dei gracia Dacie Suecie Noruegie Slauorum gottorumque rex etc. Excellentissimo et potentissimo principi et domino, Dño basilio tocius Russye imperatori, Salutem et sinceram atque fraternalem in dño dilectionem. Dilectissime frater et confederate, Vestre maiestatis nuncius ystunia tali die N. ad nos vnacum dauid haraldo nostro applicuit atque venit nobis vestras litteras exhibens atque presentans, Ex quibus litteris clarius accepimus, vos velle pie memorie dñi Johannis basilij vestigia in omnibus imitari Et precipue fraternalem amiciciam atque confederationem nobiscum contrahere, Ac super tali amicicia et confederatione litteras nostras conficere et eas ad manus vestras per specialem nostrum vice uersa et vna cum predicto ystunia nuncio vestro dirigere atque transmittere, quas litteras, ut desiderastis, confecimus ac eas confectas ad manus vestras vna cum memoratis nuntio nostro N. ac ystonia in presenciarum dirigimus atque transmittimus summopere desiderantes atque deprecantes, ut similes litteras vestras eandem amiciciam et confederationem continentes nobis remittere velitis. O princeps frater noster, Suecie occupatores regnj nostri prefati tribus elapsis annis, dummodo omnes (?) genitoris vestri in eodem regno aduentum exspectarent, sua scripta ad nos miserunt, ut tunc intraremus regnum nostrum Suecie absque grauj populo, ne regnicole per itinera, que tunc ascensuri ageremus, nimium aggrauarentur. Sed postquam regnum intrauimus cum pauco populo, ut voluerunt, opposuerunt se nobis in effectum faciendj nobiscum sicut Judej fecerunt contra cristum. tamen manus istorum(?) suecorum rebellium nostrorum, sicut deo placuit, in persona euasimus. Et sic prefati Sueci rebelles adhuc totum nostrum regnum Suecie occupant et detinent contra deum, contra omnem iusticiam et iuratam fidelitatem nobis prestitam. Vnde ex corde mouemur rogare fratrem et confederatum nostrum, ut Iniquitatem rebellium nostrorum menti sue habeat, nos vtque, si talis casus accidisset vobis fratrj nostro, equo animo ferreremus, ac si nobis contigisset, Non dubitamus, quin frater noster simile faciat. Certam quoque commissionem vltra quam scriptum est commisimus nuncio nostro vobis fratri nostro referendam. Velitis igitur eidem nuncio nostro referentj concedere fidem talem, qualem nobis, si mutuo conferremus, concedere velletis. Cum hiis viuat et valeat frater noster in solio sue celsitudinis felix et longeuus. Ex Arce nostra Nikoping. E scida chartac. primæ festinæque scriptionis. Hæ litteræ, quibus Johannes rex ad litteras Basilii imperatoris, xvii Julii mdvi datas, respondet, hoc loco inserendæ esse videntur. 6. Excellentissimo Illustrissimo et Potentissimo Principi Johanni Dei gracia Danorum Suecorum Noricorum Slauorum Gothorumque Regi etc. Auunculo et Confederato
