61
, bum ex eo viro audiuimus, nec auditum credimus, eos mores eam hominis modestiam cognouimus, vt nullius vnquam famam nedum matronarum probitatem lacessisse putemus. Nec adeo rerum sumus Imperiti, vt vano aut detractorio hominj legacionis officium procul domo commisissemus, quin pocius delectum ex omnj familia Robertum forman ad vestram submisimus serenitatem, qui apud principes viros per europam decenter versatus omnibus gratus, vt aliorum sic litteris vestris meruit commendari. Sed preter ceteras gentem istam maximi faciens, sublimitatis vestre constanter meminit, illius nos sepius admonet, et que ad vos spectent fidus et diligens curat. Verum nisi iniectam sibi calumniam apud domicellas purgatam intellexerit, fore timuero, Vt suspectum sibi calumniatorem supra canonicam purgacionem prosequatur. Ticho ille hafnensis decanus aliquot hic dies agens honorifice susceptus in testem queratur, qui ex fide locutus bene referet necesse est. Accedet et Johannes postlac et complures Id genus. si peccauerit noster forman, non penam deprecor, sin crimine vacuus fuerit, omnj queso culpa careat, et nomen ei integrum remaneat. Illustrissime Potentissime et serenissime princeps in longos et felices Annos valete. Ex palacio nostro Apud Edinburghum xxv die mensis Junij Anno salutis Octauo supra millesimum et Quingentesimum. James Rex. Paniter a Secretis. Ex archetypo chartac., cui sigillum adest optime seruatum et præscriptio ad Johannem regem, ex verss. 1-3 repetita. mobow 14. Joannes dei gratia dacie etc. Rex Vniuersis et singulis presentes nostre regie Maiestatis litteras visuris Seu audituris Salutem et presentibus fidem indubiam adhibere. Directus iampridem ad nostram vsque presenciam Serenissimj principis Sigismundi polonie etc. Regis fratris nostri charissimi Consiliarius et Orator Dñus Joannes kokritz Nobis inter cetera retulit ac Significauit, Qualiter idem Serenissimus Rex Sigismundus frater noster charissimus nobiscum perpetue confederationis vinculo fraternaque et sincera fide vniri desiderat. Nos vero attendentes, pacem esse, que terrarum cuncta sustentet imperia, orbis ditiones omnes Solam conseruare vnionem et cuiuscunque status interitum auertere non ignari, Cum prefato Serenissimo rege Sigismundo de Consiliariorum nostrorum magni nostri Consilii communicato consilio et assensu vnanimj amicitias pepegimus necnon Confederationes et alligantias perpetuas et indissolubiles fecimus et conclusimus, facimus et tractamus modo atque forma inferius annotatis. Primo actum dictum et concordatum extitit, quod inter Nos heredes et successores nostros dacie reges Nostra regna et dominia communitates nostras vasallos Subditos et regnicolas nostros quoscunque ex vna, et preclarissimum principem prefatum 8*
