64
cordi habet, Et si premonitus in tempore fuisset, exitus plane edocuisset, Id quod forte posthac comperietur. Nos, que valemus, seruituti et honori vestro addicimus. Illustrissime potentissime et Excellentissime princeps, frater et consanguinee carissime, Valete. Ex Edinburgo xjmo die mensis Julij Anno salutis decimo supra millesimum et Quingentesimum.
Margarett R. Ex archetypo chartaceo cum sigillo optime seruato cera rubra impresso et præscriptione ex verss. 1-5 repetita usque ad vocabulum quod est Margareta. 17. Articuli et mandata regis scotorum commissi suo armorum nuncio Carrik apud Edinburgum vigesimosecundo mensis Aprilis Anno duodecimo supra millesimum et quingentesimum, vt ad Illustrissimum dacie regem referet. Primum omnium auunculo regi regineque et consobrino nostro Cristierno principi etc. inclitissimo salutem dicito et nos commendato, Regnorum prelatos et proceres salutato. Exinde susceptum nobis filium successionis spem sacro pasche sabbato in lucem venisse Et paschatis die lauacro admotum baptismi gracia perfusum nunciato. De indicto ecclesie consilio in traiectu oratoris cristianissimi francorum regis ad auunculum regem nos scripsisse et postulasse memorato, vt dacorum ac scotorum reges et suorum Regna comunis vna et eadem teneret sentencia. Ad hec significato, nos ad Reconciliacionem sanctissimi cum cristianissimo rege insudasse et desuper morauiensem episcopum oratorem nostrum semel et Iterum alpes superasse et annos superiores laborasse, sed nouum sanctissimi fedus cum aragonie Rege et venetis etc. paci ct concordie obfuisse. vtcumque tamen successerit, cristianissimum regem ecclesie sua reddi nobis addixisse declarato. Illustrissimum anglie Regem classem instruxisse armatam et excercitum habere in armis delectum narrato, vt cum volet vim subito inferens vi et armis oppungnet et oppungnata occupet. Finibus nostris et regno ab Anglorum rege timendum exponito, qui Illata nobis damna, et si debite Requisitus, ac cedem andree quondam Bertoun et id genus attemptata reformare hactenus cessauit. Francorum regno et finibus ab Anglis eciam formidandum affirmabis, quod Cristianissimo regi francie serenissimus aragonie Rex anglorum regis socerus apertum terra et mari bellum moueat et ab anglorum rege suo genero, vt creditur, auxiliares armatorum copias exspectet, et Jam anglorum rex in cristianissimum Regem bella gerit. Preterea nos a Cristianissimo rege francie comuni fratre et confederato tam auunculo regi quam nobis admonitos et federis Jure per nostrum oratorem Morauien-
