A III. SAMLING AF DRONNING DOROTHEAS BREVE, NAVNLIG TIL DEN KONGELIGE FAMILIE ELLER I SAMMES ANLIGGENDER. (I det Kongelige Geheime-Archiv.) 1. 1544, 31 August. Dorothea vonn gots gnadenn zu Dennemarkn, Norwegen, der Wenden vnnd Gotthenn Konniginn, Gebornn vonn Sachssenn etc., herzogin zu Schleswig Holstain etc. Grefin zu Oldenburg vnd Delmanhorst. Was wir in Ehrenn vnnd Schwesterlichenn trewenn vilmehr liebs vnnd guts vormugen zuuornn. Hochgebornner Furst freuntlicher liber Bruder, Vnns hat gegenwertiger Andres Nielsenn vonn haderslebenn vndertenigst gebeten, das er das heuslein, darin er ein zeither gewonet, dasselbe die zeit seins lebenns behaltenn mocht, ynen derhalb ann E. L. zuuorschreibenn. Bittenn demnach freuntlich, wo es e. L. ymmer thunlichen, Diselbe wolle gemeltenn Andresz Nilszenn In dem heuszlein die zeit seins lebens pleibenn vnd yne disze vnsere vorpit genissen lassenn. Das seind wir vmb e. L. hinwider freuntlich vnnd schwesterlich zubeschuldenn erpottigk. Datum Odensee denn letzten Augustj Anno etc. xliiijten. Udskrift: Dem hochgebornnen furstenn vnserm freuntlichen liben Brudern hern Johansen, Erben zw Norwegen, Herzogn zu Schleswig holstain stormarn vnd der ditmarschen, Grafen zu oldenburgk vnndt delmanhorst. Orig. paa Papir med Segl (det danske Vaaben). 2. 1546, 8 Januar. Dorothea vonn gots gnadenn zu Dennemarkenn Norwegen der Wenden vnd Gothenn Konigin, Gebornn von Sachsenn etc., Herzogin zu Sleszwig Holstein etc. Was wir in Ehrenn vnd sunst yderzeit mer liebs vnd guts vormugen zuuorn. Hochgebornner Furst, freuntlicher lieber Bruder, Wir habenn E. L. schreibenn, Darin 9 *
