71
Welchs wir e. L. Als dem hertzlieben hernn vnd gemahel gantz freuntlich nicht wolten verhalten. Vnd thun E. L. hir mit in den gewaltigen schutz vnnd Schirm des allerhochsten empfelen. Datum In eill, den 2 May Anno etc. 46. Orig. paa Papir med Udskrift til Kongen og Segl i rödt Vox (det danske Vaaben). Paa en indlagt Seddel: Wir haben auch den Renthmeister, E. L. schreiben nach, an vns bescheidenn vnd vns mit Ihme des vnderhalts halbenn zwischen hir vnnd Jacobj etc. vnderredt. Dauon schicken wir e. L. hirnebenn Ein Register. E. L. gluglichen Zustand habenn wir aus e. L. gesterigen schreibenn durch Cristoffer Johanssenn mit besonder frolockung gern Angehort, E. L. soln vns vnd vnsere liebsten kinder auch in gleichnus von den Almechtigenn erhalten wissenn. Wir pitten auch vfs freuntlichst, weil E. L. doch Itzund doctor Nicolaum bey sich habenn, E. L. wollenn vnns vnsern Predicanten Magister Paulum mit dem aller ersten widderumb anher schicken, Auch vmb Freuleyn Anna willenn etc. Wir vermerken auch das die von Hadersleuen Ihren Prediger, den wir Itzt bey vnns habenn, nicht woll lenger entrathen konnen Vnd sich des hinfurder beschweren wurden etc. Solchs wolten wir e. L. freuntlich auch nicht pergenn vnd wollenn vns e. L. Jegenwertigen Trommeter auch palt widerumb zuruck schicken. Datum ut Supra. Paa en anden lös Seddel: Mitt Jorgen vom Rade hat sichs wol seyner Augen halbenn gebessert, Aber Ann dem Eynen Arme vnd Seytte Ist er noch so schwach, das er sich nicht selbst kan anleggenn, wie Jegenwertiger hans Trommeter E. L. seinthalb weitter vnderthenigst berichtenn wird. Vnd wolln e. L. derwegen gemelten vom Rade, das er sich an e. L. nicht begeben kan, gnedigst entschuldigt nehmenn. Datum vt in literis. 4. 1555, 23 April. Dorothea vonn gotts gnadenn zu Dennemarckenn Norwegenn der wendenn vnnd Gottenn Könnigin etc., Geborn zu Sachssenn etc., Herzogin zu Schleswig Hollstein etc. Greuin zu Olldennburg vnnd Delmenhorst. Vnsernn freuntlichenn grusz vnd was wir Ider zeit mehr Ehrenn liebs vnnd gutts vormugenn zuuornn. Hochgebornner Furst, Freuntlicher gelipter Bruder, Nachdem wir bericht, Das E. L. Keller Itzundt mit weyn nichtt wol gespeysett sey, Als wollenn wir E. L. schwesterlich vnnd freuntlich nicht verhalttenn, Das Itzundt ein kauffman vonn Cöllen mit eynem Schieff mit wein alhir angekommen ist, welcher sehr gutten wein hatt, Den habenn wir vhm E. L. willenn vffgehalttenn, vnnd weil wir Erachtenn, Damit
