74
7. 1557, 9 October. Freuntlicher hertzuielgliepter herr vnnd Gemahell. wir mugen E. 1. freuntlich nicht verhaltten, Das wir gestern nach Mittage zu Korszhör zu Schiff gangenn vnd mit vnserm gliepten Sohn dem Churfursten, Churfurstin, Printzen, Herzog Johansenn vnd Hertzog Mangnussen vnnd gantzem hofgesinde mit guttem stillem winde vnd wetter nechten spaath alhir zu Nyburg frisch gesundt vnnd wol ankommenn sein, Dem Allmechtigenn Gott sey Lob vnnd danck, Wie E. L. vonn Jachim dem Lackeyen allenthalb ferner hörenn vnnd vernhemen werden. Wir werden noch morgenn alhir verharrenn, vnnd vfn Montagk nach Odensee verrugkenn. Vonn der Feste Gebew vnnd gelegenheit alhir, wie es vnserm Sohn dem Churfursten allenthalben gefallen, Solchs werdenn E. L. aus seiner L. eigenn schreibenn freuntlich zuuornhemenn habenn. Wir hoffenn auch teglich vonn E. L. freuntlich zuerfarenn, wie es E. L. vnd vnsernn gliepten Kindernn ergehett. Der Allmechtige wolle E. L. in langer frischer gsuntheit vnnd aller wolfart gnedigclich fristen stercken vnd erhalten. Demselben lieben Gott thun wir auch E. L. hirmitt in sein gnadenreichen schutz gantz treulich Emphelen, Vnd seind E. L. als vnserm hertzuilglipten herrn vnd Gemahel in allenn Ehren vnnd treuenn yderzeitt freuntlich zuwilfarnn gneigt schuldig vnnd willig. Datum Nyburgk Sonnabendz den 9 Octobris Anno etc. 57ten. Orig. paa Papir med Udskrift til Kongen og Segl (det saxiske Vaaben). 9. 1557, 10 October. Freuntlicher herzuilgliepter herr vnd Gemahell. Nachdem wir E. 1. gestern freuntlich zugeschribenn haben von vnserm zustandt vnd gelegenheit, Wasser gestaltt wir Gott Lob mitt vnsern freuntlichen gliepten Söhnen, Töchtern vnnd Bruder samptlichen alhir ankommen sein, So mugen wir auch E. L. freuntlich nicht verhaltten, das gestern nach Mittage vnser freuntlicher gliepter Sohn der Churfurst Allerwegenn vf der Veste vnd dem Gebew alhir vmbher gegangenn vnnd dasselbe besichtigett hatt. Vnd ist solcher Baw nach seiner L. ansehenn statlich vnnd mit grosser muhe, Arbeit vnd Kosten angefangenn, Vnnd berichten S. L., So es dermassenn damit soltt forttgefarenn werdenn, wie es angefangen ist, So wurde es langksam volnbracht vnd geendigett werdenn, Wie dann E. L. hirneben aus Seiner L. eigenn schreibenn ferner freuntlich zuuornhemen werden haben. Nun sehen wir fur vnser einfaltig bedencken vor gut vnnd gerathen an, Weill dise zeither vnnd den vergangen Sommer so ein trefflicher grosser vnkosten daruf gegangen, vnd die tage nun hinfurder kurtz werdenn vnd der wintter herbey kompt, Das E. L. mit dem Baw still halten lassen, damit nichtt vergeblicher vnkosten auff-
