75
gehett, Weill mann doch gegenn der Wintter zeitt wenig bestendiges Arbeitten kan, bisz widderumb gegen den Fruelingk, Vnd das E. L. Frantz Brockenhusen schreibenn liessenn, Alle das Arbeitter volck gegen disem Windter zuuerleuben. Ewr. L. wollenn Ir disz vnnser Weybisch bedenckenn nichtt Andersz dann freuntlich vnd wolmeinlich zu gemüeth furenn, Wie wir vns zu E. L. als vnserm freuntlichenn hertzuilgliebtenn herrn vnd Gemahel vngetzweifeltt freuntlich versehenn. Vnd wir thun E. L. hirmit Gott dem Allmechtigenn zu aller zeitlichenn vnd ewigen wolfart vnd langkwiriger starcker gutter gesuntheit gnediglich zufristen vnd zuerhalten gantz treulich befelen. Datum Nyborch Sontags den x Octobris Anno etc. Lvij. Orig. paa Papir med Udskrift til Kongen og Segl (det saxiske Vaaben). 9. 1557, d. 24. October. von Freuntlicher hertzuilgliepter herr vnd Gemahl, Nachdem Itzund vnser freuntlicher gliepter Sohn der Churfurst eine Post An E. 1. schickenn wöllen, haben wir nit vnderlassenn können E. 1. mit vnserm schreiben freuntlich zuersuchenn vnd geben E. 1. gantz freuntlich zuerkennen, das wir gestern mit vnsernn gliepten Sohnen vnd töchter alhir zu Rendzburg gsundt vnd wol ankommen sein, Vnd werden vnns dage von hir nach Nymunster vnd Morgen nach Brambstede, vnd obermorgen als den dinstagk mit vnserm Sohn dem Churfursten nach Hamburgk verfugenn. Von dar wollenn wir vnns strax vngseumett, So baltt wir daselbst vonn eynander scheydenn, widerumb zum Ilichsten Ann E. 1. begebenn. Wir mugen Auch E. 1. freuntlich nicht bergenn, das vnsere gliepte Schwester die Grefin vonn Oldenburgk vns gestern zugschrybenn, das Ire L. vor zweyen tagen zu Itzeho angelangt sej vnd gebethenn, das Wiwol es wir Ire L. nach vnser gelegenheit Ann ein orth bescheidenn wolten etc. vnns nun Itzund vnser glieptenn Kynder halben mit Irer L. gantz vngelegenn ist, So habenn wir doch Ire L. morgen nach Brambstede bescheidenn bej vns aldar Anzulangenn. Wollen vns demnach zu E. 1. Als vnserm hertzuilgliepten herrn vnd Gemahl gantzs freuntlichen Verhoffen vnd versehenn, E. L. werden Ir disz alles nicht anderst als freuntlich vnd im besten vermerckenn. Vnd thun E. 1. hirmit dem Almechtigenn Gotte sambt vnsere hertzlieben Kyndere In langer frischer gsuntheit vnnd aller glucklichenn wolfartt gnediglich zufristen vnd zuerhalten gantz treulich vnd freuntlich Emphelenn. Datum jn eill Rendsburg Am Sondage frue den xxiiij Octobris Anno etc. Lvij. Orig. paa Papir med Udskrift til Kongen og Segl i rödt Vox (det saxiske Vaaben). I B. 2 H. (1853). 10 ban
