76
sen, 10. 1557, d. 7. Novbr. Durchleuchtigster vnd groszmechtiger Koning, Hochgeborner furst, E. Ko. W. sein vnsere schuldige gehorsame dienst sohnliche trew freuntschafft vnd freuntlich grues stets beuorn. Gnediger vnd freuntlicher lieber herr vnd vatter, Wievoll wir dieser zeit nit beisonders zuschreiben gehapt, So haben wir doch E. gnaden vnsere gesuntheit vnnd gluckligen furtzug dienstfreuntlich zuzuschreiben nit wollen vndterlassen, Vnd hette vns dasselbig mit eigener hanndt, als wir sonderlich furgesetzt vnd begirig gewedienstfreuntlich zu leisten gebuert, Vnd sein doch gleichwoll durch kegenwertigkeit der vielen fursten, so vnsz fur vnd fur bej sich haben wollen, In diesem verhindert, das wir vns diszmall mit gnaden zu guethe zu halten vnd dienstfreuntlich entschuldigt Aufzunemen bitten. Weil vns dann, gnediger herr vnd hertzfreuntlicher lieber herr vatter, vf erden nit hohers angelegen, auch nit liebers von gott bitten vnd flehen wollen, Dan E. g. Gesuntheit fur vnd fur Lanckwerig zu vernemen vnd zuempfinden, Als bitten wir In sohnlicher demuth gar dienstfreuntlich, E. gnaden wollen vns Je, wan Dieselbig ahn vnsern geliebten herrn vnd Bruder, dem printzen botten abfertigen wirdt, mit einem Kleinen brieflein gnediglich besuechen vnd nit vergeszen sein lassen, Das kegen E. g. wir mit sohnlichem gehorsam trew vnd freuntschafft In aller demuth zuuerdienen dienstfreuntlich schuldig willig vnd vrbuttig. Vnd thuen damitten E. gnaden als vnserm hertz freuntlichen lieben herrn vnd vatter dem allerhohesten In Christlicher friedlicher Regierung vnd leibs gesuntheit gnediglich zuerhalten gantz getrewlich demutig vnd dienstfreuntlich beuelhen. Datum Scheningen ahm 7ten Nouembris Anno 57. E. g. freuntlicher sohn Magnus manu propria subscripsi. Original paa Papir med Udskrift til Kongen og paatrykt Segl (det danske Vaaben). 11. 1557, 30 November. Dorothea Von Gots gnadenn zu Dennemarckenn, Norwegen, der Wenden vnd Gotten Konigin, Gebornn zu Sachssenn, Hertzoginn zu Schleswig, Holsteinn, Stormarnn, vnd der Dithmarschen, Grefin zu Oldenburg vnnd Dellmenhorst. Was wir Inn Mutterlichen trewenn Iderzeitt Ehrenn, viel liebs und guts vormugenn zuuornn. Hochgeborner Furst Freundlicher gelipter Sohnn, Wir habenn D. L. Schreibenn mit eygner handt an vnns gethann, welchs zur Lochaw datirtt, Freundlich empfangenn Vnd daraus Mutterlich vnd mit erfrewen vernommenn, das es D. L. an Leibs gesundheitt vnnd sunst noch allenthalbenn woll gehett, dem Hern sey Lob vnnd danck, Vnnd haben zu mutterlichem gefallen vnnd gantz gerne vormerckt, das sich D. L. souiell
