77
72 erleddigett, vnnd vns mit D. L. eigen handtschreibenn Sohnlichenn ersuchtt. Wir hoffenn auch, D. L. werdenn vns, so lange sie der Ort seynn, hinfurder offte mit schrifftenn ersuchenn. Vnnd als demnach vnser freuntlicher vilgelipter Herr vnnd Gemahell, D. L. gnediger Herr Vatter, Itzundt ann D. L. geschrybenn, das sich D. L. mit dem erstenn widderumb hereyner begebenn soltte, Vorsehenn wir vnns Mutterlich D. L. werdenn demselbenn als der gehorsam Sohnn also nachzusetzenn wissenn, Vnnd gesynnen Freundlichenn D. L. wolle fur Ihrem abreysenn bey vnserm geliptenn Sohnn dem Churfurstenn vleiszig befordernn vnnd anhalttenn, das D. L. Bruder Hertzogk Magnus mit einem gutthenn Hoffmeister muge versehenn werdenn, Vnd wolle D. L. mit dem Hoffmeister vmb sein Jarlichenn Vnderhalt vnnd Pension handlen lassenn, vnd sich vonn wegenn D. L. Herrn Vatters erbiethen, was dem Hoffmeister zugesagt wirdt, das D. L. solches von Hochgedachtem D. L. G. Herrn vnnd Vatter Jarlichenn zuentrichten, befordern wolle etc. Wir begerenn auch Mutterlich, D. L. wolle Ihren Jungenn seines langen aussenpleybenns entschuldigt haltten, Dan wir Ihnenn nicht eher haben abfertigen konnenn. Solchs woltten wir D. L. als vnserm geliepten Sohnn hinwidder freundlich nicht vorhalttenn, Vnnd seindt D. L. mit allem mutterlichen willen vnd trewenn freundlich zuwillfarnn geneigt. Thunn D. L. hirmitt Inn des Allmechtigenn Gottes gnedigen schutz vnd schirm Mutterlich empfelenn. Datum Coppenhagen den Letzten Monatstag Nouembris Anno etc. Lvijto. Orig. paa Papir med Udskrift til den udvalgte Kong Frederik „zu Seiner Lten eigen handen" og Segl i rödt Vox (det saxiske Vaaben.) 12. 1558, 18 Januar. Durchleuchtigster Koning vnd Hochgeborner Furst, E. Ko. Matt. sein vnsere schuldige gehorsame dienste, sohnliche trew, zusampt vnserm demutigen Christlichen gebeth vndertheniglich beuorn. Gnediger vnd freuntlicher lieber herr vnd vater. Wir haben E. Ko. Matt. gnedigs schreiben, geben Coppenhagen ahm heiligen Newen Jars tage, ahm 16ten Januarij zu Dresen gar vntertheniglich mit hertzlichen verlangen vnd frewden empfhangen. Daraus wir erstlich E. Ko. Matt. zusampt vnserer gnedigen vnd freuntlichen lieben Fraw Mutter, Auch Broders vnd Schwesters gesunt Christlich vnd friedlich Leben vnd wesen mit schuldiger empsiger getrewer dancksagung kegen gott In Sohnlicher vndterthenigkeit hertzlich gern vernhommen. Zu dem wie etzliche krämer vnd andere vast In die Neunhundert thaler Schultregister, dauon wir E. Ko. Matt., wie wir billich als der Sohn vnderthenig schuldig, nit verwarnet, vnd also vber zuuorsicht nach vnserm abtzug vbergeben. Wie wir nhun, gnediger herr Vater, durch E. Ko. Matt. vnd vnserer gnedigen vnd freuntlichen lieben Fraw Mutter als vnserer gnedigen vnd freuntlichen lieben Elther, auch Bruders vnd Schwe- 10*
