79
fur allem vbel zubewharen gantz Sohnlich demutiglich vnd getrewlich beuelhen. Datum dreszden ahm 18ten Januarij Anno etc. 58. E. K. Matt. Gehorsamer vnd freuntlicher Sohn Magnus manu ppa. Paategning: Hertzog Magnus bitt Sohnlich vnd demuttigs vleys vmb verzeyhung der ausgenohmenen wahr halben hie bey den Kremern. Productum Coppenhagen den 7. Februarj Anno etc. 58. Orig. paa Papir med Udskrift til Kongen og Segl. 13. 1558, 30 August. Dorothea vonn Gotts gnadenn zu Dennemarkn, Norwegenn, der Wendenn vnd Gotten Könnigin, Geborn zu Sachssenn etc., Hertzogin zu Schleswig, Holstein, Stormarn vnd der Ditmarschen, Grefin zu Oldenburg vnd Delmenhorst.
Vnsern freuntlichen grus vnd was wir yderzeit Ehrenn liebs vnnd gutts vermugen zuuorn. Hochgebornner Furst Freuntlicher geliepter Bruder. Wir vberschickenn E. L. bey zeigern eynen Schieszhundt, den wir E. L. freuntlich zugesagt habenn, Vnd heist der hundt Falck. Versehen vns, er werde zu eynem Wasser hunde nicht vntuglich sein, Denn vnsere diener Ihnen oft gebraucht vnd versucht. Vnd ist gantz willig insz wasser zulauffen, Allein das er noch jungk ist, Vnnd mangeltt Ihm nichts, dann das er steets geubt vnd gebraucht muge werdenn. Wenn nu derselbe E. L. wol gefiele, were vnns gantz Lieb zuuernhemen. Des Kalcks halbenn, darumb E. L. vnns am negsten befurdertt, habenn wir mitt dem Amptmann Hans Stüggen bescheidt gemacht, der vns zugesagtt, das er E. L. ein Schiff mit Kalck mitt dem Allererstenn, So ballt Jorge Barnickowen sein Schiff (welchs itzund in Norwegenn ist) widerumb ankommen wirt, nach Haderszleben schicken will, Daruff sich E. L. zuuorlassenn. Das wir E. L. als vnserm freuntlichenn vielgliebten Brudern nicht wolttenn verhalttenn. Seind derselben in Ehren Iderzeit freuntlich zu willfarn gneigtt, Vnd thun E. L. hiemit Gott dem Allmechtigenn in sein gnadenreichen schutz vnd schirm befelenn. Datum Alborch denn xxx tag Augustj Anno etc. Im Lviijten. Orig. paa Papir med Udskrift til Hertug Hans og Segl (det danske og det saxiske Vaaben). Paa en indlagt Seddel: Auch freuntlicher gliepter Bruder. Do Iffen Möller zu Kolldingen noch nicht angelangtt were, Wie wir E. L. am negsten freunntlich darumb belangtt, So bittenn wir
