83
19. (1558), 18 Decbr. Meyn hertz leyb son, ych hab deyn schreyben bekammen zwey mal vnd byn es erfroget, das ych deyn gesuntheyt mach erfaren, der barmhertzyche got der gebe dych das du mochgest leben dych zw der seylychheyt vnd deyn vnderdannen zw dem besten. ych kan dych auz mutterlychem hertzen nycht barchgen das deyn heruatter gar swach ys vnd so swach als he nu gewessen ys. all dey peyn, dey he hat, folle ych yn meynem hertzen, ych byn bedrobet bes yn den dhot. got helff vnd gebe vns das vns nuthtest ys zw der seylychheyt, yt ys eyn gerynge zeyt hyr. ych dho dych dem herren crysto beffelen vnd byt, du wylt so weyt nycht wech syn vnd wylt was neyger bey seylant syn, ych wyl myt dem ersten wedder botschaft bey dych hebben, vnd byt och dych als deyn getruwe mutter, du wylt deyn hertz allen mynscken nycht eroffen. dey welt ys so nycht wey du meynst. du kanst y nycht geloben, wo bedrobet deyn holger ys gewessen, das he so lange van dych syn scholde. ych hedde dych wol feyl zw schreyben, ych kans nycht dhon, myr yss all zw wey. dann zw koldynck den 18 december. Egenhændig Skrivelse paa Papir uden Udskrift med Segl i rödt Vox (det danske og det saxiske Vaaben). 20. (1558), 20 Decbr. Meyn hertz leyb son, ych byt du wylt strack kammen vnd yo nycht auz bleyben, schal ych dych meyn dachge vor meyn son erkennen, vnd byt du wylt dych yo wol vorsen auff dem wasser, das du dych yn keynem storm obber gybst. duss hab ych dyr als deyn getruwe mutter auz meynem bedrobeden hertzen nycht konnen barchgen vnd byn dych myt aller mutterlyche truwe vorwachgen. dar myt befel ych dych got. dan eyllych den 20 december. ych hab korfytz befalen das he dych schreyben schal, das du dar neynmant van sechgen mochgest, das du so eylych most hyr kammen vnd och suz mer, das ych nycht schreyben mach. Egenhændig Skrivelse uden Udskrift med Segl (det danske og det saxiske Vaaben) i rödt Vox. 21. 1558, 21 Decbr. Dorothea vonn Gotts gnadenn zu Dennemarken Norwegenn der Wenndenn vnnd Gotten Könniginn, Geborn zu Sachssenn etc. hertzogin zu Schleswig, holstein, Stormarn vnd der Dithmarschen, Grefin zu Oldenburg vnd Delmennhorst.
Was wir in Mutterlichenn trewenn yderzeit Ehrenn liebs vnd gutts vermugen zuuorn. Hochgeborner Furst, Freuntlicher hertzlieber Sohn. Wir wollenn Deiner L. als 1 B. 2 H. (1853). 11
