84
vnnserm hertzuolgeliepten Sohne mit schmertzlichem gemueth nicht verhalttenn, Das Deiner L. hertzliebster herr vatter vnser hertzliebster herr vnnd Gemahell aus Göttlicher versehunge mitt schwerer schwachheit beladenn. Der Almechtig wirt gnad zur besserung vorleyhenn. Vnnd als wir vormergkt, das Sein L. Dich nicht vngerne hier segenn, Weill allerley vnd bedenckliche hendel vnnd Kriegsgeschefft vörlauffenn, Daran gelegenn, Vnd vast wenig Rethe bey hofe verhandenn, Vnnd das S. L. wol gegöntt vnd derselbigen zu freuntlichem vnd angenhemen gefallen, Das wir dein L. schirst anzulangen vorschreibenn möchtenn lassenn, Weil Seiner L. solichs nicht vffzuladenn gehapt, Wie dann S. L. auch sonst mit hendeln sich zubeladenn beschwerenn. So ist ann Dein L. als vnsern hertzliebstenn Sohn vnnser Mutterlich vnnd trewhertzig furdern vnnd Freuntlich synnenn, Dein L. wolle sich vngeseumpt erheben, vnd anhero zu vnns verfugen, Vnd denn hendeln, wie daran gelegenn, obsein. Dein L. wolle sich des Auch mit nichte widdern odder beschwerenn, Daran geschicht Gott dem Allmechtigen vnd D. L. hertzliebsten herrn vatter zu angenhemenn gefallenn. Vnd D. L. wolle sich dieser gelegenheit Jegen Nymandts vermerckenn vnd vernhemen lassenn, Wie wir dann zugeschehenn nichtt zweiffeln. Vnd wir seynd D. L., die wir hirmit dem gnadenreichen schutz des Allerhochsten treulich thun befelen, als die hertzliebste Fraw Mutter mit Mutterlichen trewen vnd allem gutten allwege freuntlich gneigt. Datum In eill Coldingen denn xxj. tag Decembris Anno etc. Lviij. Original paa Papir med Udskrift til den udvalgte Kong Frederik og paatrykt Segl (det danske og det saxiske Vaaben). Paa en indlagt Seddel egenhændig: Meyn leyb son, ych beger noch wey vor das du mochst kammen vnd yn keynem wechge auz bleyben, wey dych sulben dar an gelechgen ys. ych meyns wey deyn getruwe mutter. 22. (1558), 27 Decbr. Meyn herz leyb son, wes du mych schreybst van annen, dar auff kan ych dych nycht barchgen, das ych dar wol van gehort hab, das dar van gesecht ys, doch ys yt nycht fullen zachgen, ych lasse yr fruntschoft dar vor raden. das ych scholde eynem syn geluck vor sumen, das kan ych vor got nycht vorantworden. so weys ych das hyr eyn gerynge zeyt ys, dar yn genner welt ys yt ewych. ych weys du hast so eyn erlych auff rychtych gemotte, das du yr geluck nycht werst hynderen. ych kan auz bedrobedem hertzen nycht mer schreyben. hans schal dych allens berychten. ych bytt kum eylych, dar ys dych mer an gelechgen, wey du ytz nycht dencken kanst. dann am dynekgest dach yn den wynnachten. Egenhændig Skrivelse paa Papir med Segl og Udskrift til den udvalgte Konge.
