87
wesenn sein solle, vnd villeicht Ire L. aldar zum Reynefelde nicht anlangenn wurde, So wollen wir zu Irer L. reysenn, da sie ist vnd zufindenn sein wirt. Das wir Deiner L. hinwider zu Mutterlicher Antwurt nicht wolttenn verhalttenn, Vnd thun D. L. hirmit dem Ewigen Sohne Gottes des Allerhöchstenn Inn sein gnadenreichen schutz vnd bewahrunge gantz treulich vnd Mutterlich befelenn. Datum Im Closter Pretze Dornstags den 8 tag Junij Anno etc. 59. Original paa Papir med Spor af Seglet og Udskrift til den udvalgte Konge „Zu Seiner L. eigen handen sunst Nymandz zuerbrechenn." 25. (1559), 12 Juli. Meyn hertz leyb son. ych hab meynem deynner mu(n)tlich werb an dych befalen, vnd byt du wylt dem sulben geloben geben. dey weyl ych vor marck hyr yn gutlande, das keymant vor schreben yst van dem gemeynen addel vnd borchger vnd burren, wey das eyn gewanheyt vann ollenz gewessen ys, das men dey ryckes rede vnd amtlude alleyn nycht fordert auf dey kronyck, das dey ge meyn man dar och moss van wyssen. dey weyl den hyr yn yutlande keymant van den lantsassen vorschreben syn, so kan ych gedencken das deyn kronnyck auff gesettet ys. byt ych, das ych yt mochge eyllens zw wyssen kreygen, das ych mych weys dar nach zw rychten, ych wolde nycht gern dych lange vnkost dhon. dus hab ych dyr als meynem leyben son nycht konnen vor ennt holden vnd byn dych myt mutterlyche truwe vor wachgen. dann koldynck den 12 yulyus. Egenhændig Skrivelse uden Udskrift med Segl (det danske og det saxiske Vaaben) i rödt Vox. 26. 1559, 19 Juli. Dorothea vonn Gotts gnadenn Königin zu Dennemarkenn vnnd Norwegenn, Gebornn zu Sachssenn etc. Hertzogin zu Schleswig, Holstein etc. Witwe. Was wir Allwege viel Ehrenn liebs vnnd gutts vermugen zuuorn. Hochgebornner furst freuntlicher gliebter Bruder. Weil wir Itzund alhir eins grossen Steyns vonnöthen habenn, So bitten wir E. L. hirmitt gantz freuntlichen, E. L. wollenn vns damit entsetzen vnd vns eynen Stein von grösze vnd lenge, als E. L. Steinhawer dauon berichten wirdet, lehenen. Wann wir vnsere Steine von Hamburg bekommenn, wollen wir als dann E. L. widerumb betzalenn. Vnnd werden vnns E. L. widerumb freuntlich berichtenn, wenner wir den Stein mugen holen lassenn, So wollenn wir vnsern Rustwagen darnach schickenn. Vnd seind solches vhm E. L. Als denn gliebten brudernn Alwege in Ehrenn
