89
Wollen Eur 1. hiemit gott dem allmechtigen zu aller gluckseliger Zeit treulich befelhen. Datum Odensehe den 18 Decemb. Anno 59. Dorothea von Gottes gnaden Konigin zu Denmarckhen vnd Norwegen, Geborn zu Sachssen etc. Hertzogin zu Schlesswig, holstein etc. Witwe. Orig. med Udskrift til Kongen og Segl (det danske og saxiske Vaaben) i rödt Vox. 1) Jörgen Rosenkrands. 29. Meyn hertz leyb son. d. l. gesuntheyt ys myr leyb zw horren als der getrwgen mutter vnd dho mych bedancken d. 1. eggen hant schreybent. ych weys d. l. nycht mer zw schreyben, alleyn dem barmhertzychen got zw befelen, dey erholde d. 1. myt synnem hyllychen geyst. ych vorhoff mych gewysse das d. 1. mych szprechgen wert, wey ych d. 1. gefordert hab, mych vorlanget nach antwort. dann den 12 yanuaryus. Egenhændig Skrivelse paa Papir med Segl og Udskrift til Kongen. 30. 1560, 11 April. Durchleuchtiger Furst. Was wir in Müterlichenn trewenn Jeder zeit Ehrenn, Liebs vnd guts vermugen zuuorn. Freundtlicher geliebter Sonn. Wir mugen Eur L. freundtlich nit pergenn, Das wir in erfarunge khommen, Das diser tagen Claus vhren von vnnsserm auch geliebten Sohne hertzog Magnussen etc. bey Eur L. angereicht etc. Dieweil wir dann auch gern wissennschafft haben muchten, wie es seiner L. auf der Reis vnd sunst ergangen, Demnach ist vnnser Muterlich gesinnen, Eur L. wollenn gemeltenn Claus vhrn (wo er sunst seiner geschefft halben bey Eur L. fuglich abkhommen khan) furderlich vnd bald an vnns gelangen lassen, wie wir vnns zu Eur L. dann Müterlich vnnd freundtlich getrosten. Das send wir vmb dieselb als vnsern Freundtlichen geliebtenn Mit Muterlichen trewen zubeschulden gewilligt, vnd thun Eur L. dem Allmechtigen Got befelhen. Datum vff vnnsserm Leibgedings Schlos Drotingburg Donderstag nach Palmarum Anno etc. lx. Dorothea vonn Gots gnadenn Konigin zu Denmarckenn Norwegenn. etc. Gebornn zu Sachsenn etc. hertzogin zu Schlesswig, Holstein etc. witwe. Orig. med Udskrift til Kongen og Spor af Segl i rödt Vox. 31. 1560, 20 Mai. Dorothea vonn Gotts gnaden zu Denmarken, Norwegen, der Wenden vnd Gottenn Konigin, Geborn zu Sachsen etc., hertzogin zu Schlesswig, holstein etc., witwe. Was wir aus verwantnus allwegen viel Ehrn liebs vnd guts vermugen zuuorn. Hochgeborner furst, freundtlicher geliebter Bruder. Wir fugen Eur 1. freundtlich zu-
