90
uernemmen, das vnns Jorg anderschenn, so wir vnsserer geschefft halben nach Hamburg verschickt, In bericht vnderthenigst zugeschribenn, Wie das er die Steine, So vns der hochgeborne furst vnsser freundtlicher geliebter Sohn herr Augustus, hertzog vnd Churfurst zu Sachsen etc. vor zway Jharen zugefurdert, besichtiget vnd derselben an einem ort vor dem Eckholtze genandt ein hundert befunden, ydoch das ettliche dauon mit Sand bedeckt vnd das zubesorgenn, wa sie lange zeit daselbst verpleiben wurden, das dieselben gentzlichen mit dem Sande beworfen werden muchten. Dieweil wir dann gemeltem Jorg Anderschen bey disem potten schreibenn vnd befelhenn lassen, Im fahl vonn Eur 1. Ime des orts Kein bescheidt zukhommen wurde, wes mit solichen Steinenn furzunemmen, Das er allsdann dieselbige anderwegen vns zum vorteyl hingeben vnd verkauffenn wolle. Demnach stellen wir solichs in Ewer L. freundtlich bedencken, Vnnd ob Ewer 1. in solicher angezeigter gelegenheit bey Jegenwertigem an Ine Jorg Anderszen schreiben ergehn zulassenn. Das alles Ewer 1. freundtlich zuermessen habenn ewer 1. solichs freundtlich vermelden wollenn, Vnd send derselbenn freundtliche vnd schwesterliche willfarunge zuerzeigen In Ehrn freundtlich geneigt. Eur L. hiemit dem getrewen Gott in wolferiger gesundheit vnd glucklichen zustande zuerhalten empfelhende. Datum vf vnnsserm Leibgedingsschlos Drotingburg denn xxen May Anno etc. lx. Paategning: Productum haderszlebenn den 1n Junij Ao 60. der Konniginne zu Dennemargken schreiben belangende den pirnischen stein damit sie m. g. h. vorehret vnd zu hamburg ligen soll. Orig. paa Papir med Udskrift til Hertug Hans og Segl (det danske og det saxiske Vaaben). Paa en indlagt Seddel: Verrer freundtlicher geliebter bruder. Weil vnns auch gedachter Jorg anderszen berichten thut, das soliche Stein ohne grossen vncosten nit wol hierein zur stede gebracht werden mugen, Als habenn wir daselbige Eur 1. auch freundtlich vermeldenn wollenn, Damit Eur 1. deszhalben nachdenckens haben lassen mugen. Datum vt in literis. 32. 1560, 2 Juli. Dorothea vonn gots gnaden Konigin zu denmarcken, Norwegen etc. Geborn zu Sachssen etc. hertzogin zu Schleszwig, holstein etc. Grefin zu Oldenburg, witwe. Vnnsern freindtlichen grus vnd was wir Ehrn, liebs vnnd guts vermugen zuuorn. Hochgeborner furst freindtlicher geliebter Pruder. Der freindtlichen neigunge vnnd gutem vertrawen nach, so wir zu Eur L. als dem freundtlichen lieben Brüdern tragen Wolten wir dieselb mit vnserm schreiben freindtlichen belangenn. Vnd nachdem vns Eur L. hiebeuorn ein Braw Pfannen freintlich vberlassen, So beklagt sich
