91
aber vnsser gosenbrawer, dasz selbige zu gering vnd zu klein Mit anzeig er einer groszen vnd die auf zwelff Tunnen hallten muge, zu thun. Weil wir dan dergleichen Brawpfannen wie wir geen sehen noch vmb gelt zuerlangenn, Gesinnen wir an Eur L. gantz freinndtlichen vnd bitten, Ewr L. wollen in derselben Brauheussernn erforschenn, vnd da in solicher form wie gemelt vorhanden (daran wir doch nit zweifeln) vns eine vbersenden lassen, als soll Eur 1. die andere dargegen widerumb zugeschickt werden, Vnnd wollen sich Eur 1. vns zu freindtlichen gefallen so vnbeschwert erzeigen. Das send wir vmb dieselb in schwesterlichen trewen Ehrn vnd allen guten zubeschulden freindtlich geneigt. Eur L. damit freindtliche antwort pitende. Datum vf vnnsserm Leibgedingsschlos Coldingen Denn ij Julij Ao. 60. Original paa Papir med Udskrift til Hertug Hans og Segl (det danske og det saxiske Vaaben). 33. 1560, 6 Juli. . Dorothea vonn gots gnaden Konigin zu Denmarckenn, Norwegenn etc. Gebornn zu Sachsen etc. hertzogin zu Schleswig, holstein etc. Grafin zu Oldenburg etc. witwe. Vnnsern schwesterlichen grus vnd was wir in derselben trewen jederzeit mehr Ehrn liebs vnd guts vermugen zuuorn. Hochgeborner furst, freundtlicher geliebter Schwager vnnd Bruder. Wir habenn Eur L. schreibenn sambt der Brawpfannen, wesshalben wir Eur L. freundtlich belangt, empfangenn Vnd thun vns gegenn Eur L. zum freundtlichsten bedanckenn, das sich dieselb auf vnnser freundtlich ansuchenn in dem so gutwillig, prüderlich vnd vnbeschwert habenn findenn lassen, Das wir dann vonn Eur L. zu gar freundtlichem gefallen angenommenn vnd vermergt. Da wir auch Eur L. als dem freindtlichen geliebten schwagern vnd Brudern hinwider in einem andernn vnd grossern zuwillen sein Konthen, Das thun wir, als die getrew Mhum vnd schwester In allenn Ehrenn von hertzenn gern, Vnnd vbersendenn Eur L. hiemit die andere Brawpfanne widerumb danckparlichen zw, dabeneben auch ij Tunna Gose, die Eur 1. von vns zu freindtlichem gefallen ahn- vnd damit vf dis Malhn verlieb nemmen wollen. Ewer L. hiemit dem schutz des allerhochsten empfhelende. Datum vf vnnsserm Leibgedingsschlos Coldingen denn 6 Julij Anno etc. 60. Orig. paa Papir med Udskrift til Hertug Hans og Segl (det danske og det saxiske Vaaben). 34. 1560, 3 August. Durchleuchtiger furst, Eur L. sein vnser Muterlicher grus, trew vnnd was wir liebs vermugenn zuuorn. Freundtlicher vilgeliebter Sohnn, Alls vnns Eur L. Jegenwertigen derselben Botten zu vnsern geschefften vörstattet, Weil wir dan seiner nit mer I B. 2 H. (1853). 12
