93
Paa en indlagt Seddel. Freundtlicher geliebter Son. Als wir hartuig hockin abgefertigt, ist vnser bott, den wir an e. 1. gesandt, wider kommen, Vnd ob wir wol E. l. von hertzen gern gesprochen, weil wir aber aus E. L. die vngelegenhait vermerken, Begern wir E. 1. dawider nit zu beschweren vnd gedencken, das es der liebe got vf dismal nit aus versehenn vnd tzu anderer furderlicher bequemigkeit mit gnaden schicken werde. Datum vt in litteris. Dorothea. Original paa Papir med Segl. 36. 1560, 13 December. Durchleuchtiger furst, Eur L. sein vnser freundtlich grus, vnnd was wir allwegen vil Ehrn, liebs vnd gutts vormugen zuuorn. Freundtlicher hertzlieber Sohn, Wir mugen Eur L. freundtlich nit pergen, Das wir sambt den vnsern heut dato alhier vf vnserm Koniglichen widdumbsschlos widerumb glucklich vnd gesundt einkhommen sein, Dem allmechtigen Gott sey darfur in ewigkeit danck. Nachdem wir dan ein hochlich vorlangen vnd begirde tragen, Wir vns mit Eur L. in aller frölicheit hertzlich vnd muterlich erlieben muchten, Demselben nach bitten wir Eur 1. gantz Mutterlich, Dieselben wollen sich vns zu Muterlichem gefahllen so vil beuilen vnd vf das baldest, auch da es sein khondt, vf nestkhunfftigen Montag bey vns alhier zu erscheinen, Vnd mit vns ergetzliche vnder redung pflegen. Das wollen wir zu so hochem gefahllenn vermercken, als vnss Eur 1. Immer erweisen muchten, Vnnd sein Es vmb Eur L. in Mutterlichen trewen zubeschulden freunndtlich geneigt. Datum Coldingen den xiij december Ao. etc. lx. Dorothea von gotts gnaden Konigin zu Dennemarchen, Norwegen etc. Geborn zu Sachsen etc. hertzogin zu schleswig, holstein etc. wittwen. 37. 1561, 19 Januar. Dorothea vonn gots gnadenn zu Dennemarckenn, Norwegenn, der Wennden vnnd Gotten Konigin, Gebornn zu Sachsenn etc., hertzogin zu Schleswig, holstein etc. Grauin zu Oldenburg etc. wittwen. Vnnsern freundtlichenn grus vnnd was wir vnnser vorwandtnus nach merr Ehren liebs vund gutts vormugenn zuuorn. hochgeborner furst, freundtlicher vilgeliebter bruder, Nachdem wir eines kleinen Eysen Kacheloffenn alhier vf vnserm widdumbszschlosz zuthun vnnd dann vnns Eur 1. des orts freundtliche willfarung zuerweisenn, habenn wir dieselb mit disem vnnserm schreiben freundtlicher meinung belangenn wollenn, Vnnd ist vnnser freundtlich vnd schwesterlich synnenn vnnd bitt an Eur 1., Die- 12*
