94
selbenn wollen vnns zu freundtlichem gefallenn denn aller kleinsten Eysenn offenn, So Eur 1. vonn Copenhagenn pringenn lassenn, freundtlich vorstattenn, So wollenn wir Eur 1. In Ire Newe furstliche behausunge vf erfordern gern einen grosern volgenn lassen vnd entgegenn gebenn, Vnnd wollenn vnss also Eur 1. dise vnsere suchung bruderlich zugutte haltenn vnd freundtlich vermerckenn, Das send wir vmb dieselb in schwesterlichen trewen der gebur nach zuuorschuldenn freundtlich geneigt. Datum vf vnserm widdumbszschlosse Coldingen denn 19ten Januarij Anno etc. 61. Orig. paa Papir med Udskrift til Hertug Hans og Segl (det danske og det saxiske Vaaben). Paa en indlagt Seddel: Vnnd werdenn vns Eur 1. auch die straubenn zu solichem offenn mitsenden. Datum vt in literis. 38. 1561, 21 Januar. Was wir in Mutterlichenn trewenn Ehrenn liebs vnnd gutts vermugenn zuuornn. Durchleuchtiger furst, freundtlicher vilgeliebter Sohnn, Wir mugenn Eur 1. Mutterlich nit vorhaltenn, das vns der Lüneburgisch Cantzler Clammer vf vnnser beschehenn schreiben die bewuste heuratshandlung belangendt beantwortet vnd vermeldet, das sein gnediger furst vnd herr, hertzog wilhelm etc. bedacht, derselben Rhatte denn xiiij dises Monatts an Eur 1. abzufertigenn, Vnd hatt vns derhalbenn vnderthenigst ersucht die verordnung zuthun, sie die gesandten in Irer ankhunfft su flensburg wagenn vnd notturfftige befurderung zuerlangenn. Wann wir dann in keinen zweifel stellen, Sie werden vf dem zug sein vnd furder bey Eur 1. anlangen, haben wir derselben solichs Mutterlich vormelden wollenn, Damit Eur 1. Ire Rhatte desto balder zu bescheidenn Vnd die luneburgische Rhatte nit lange vfgehaltenn werdenn mugenn. Vnnd thun damit Eur 1. dem lieben gott zu aller wolfart vnd glucklicher Regierung Mutterlich befelhen. Datum vf vnserm leibgedings schlos Coldingen den 21 Januarj Ao lxj. Dorothea von gottes gnaden zu Dennemarken, Norwegen etc. konigin, Geborn zu Sachsen etc. hertzogin zu Schleswig, Holstein etc. witwe. Original paa Papir med Udskrift til Kongen og Segl (det danske og det saxiske Vaaben) i rödt Vox. 39. 1561, 28 Januar. Durchlauchtiger furst, Eur L. sein vnser Muterlicher will vnnd was wir mehr Ehren, liebs vnnd guts vormugen zuuorn. freundtlicher vil geliebter Sohne, Aus Eur L. schreiben habenn wir vorstandenn, Das Eur L. die heuratshandlung zwischen vnser
