96
guttenn freundtlich zuuorschuldenn geneigt. Datum vf vnnserm Koniglichem widdumbsschlos Coldingenn denn xxviij Januarij Anno etc. Im lxj Jhar. Dorothea vonn gottes gnaden zu dennemark, Norwegenn etc. Konigin, Geborn zu Sachsen etc., herzogin zu schleszwig, holstein etc. wittwen. Paategning: Productum Fridrichsburg den 1 februarij Aº 61. Original paa Papir med Udskrift til Kongen og Spor af Segl. 40. 1561, 2 Februar. Was wir Ehrenn liebs vnd gutts vormugenn mitt freundtlichem erpieten zuuornn. Durchlauchtiger furst, freundtlicher vilgeliebter Sohnne. Wir habenn Eur L. widerantwort vf vnser schreibenn empfangenn vnd darausz derselbenn ferrer erklerung,
ausser was erheblichenn bedenckenn sie die angestellte ehhandlunge zwischen vnser geliebtenn Tochter frawlin Dorothea etc. vfzuschiebenn vnd zuerstreckenn etc. mit weiterm bericht selbigen schreibens vornommen. Nun wissen wir zwischenn Gott vnd vns, das wir Eur 1. vngern was zumuttenn woltenn, so derselben zu einichem nachteyl gedeutett werden mocht, Dan wir als die wolmeinende getrew Mütter derselbenn vormerung vnd vfnemmen van dem ewigen Gott treulich vnnd hertzlich pittenn, Inmassen wir vns auch dasselbige aus angeborner eingepflantzter Mutterlicher liebe schuldig erkhennen. Allein hetten wir gerne gesehenn, So es bey E. 1. zuerhäbenn gewesszenn, die abgesandtenn yetzo zu Arhausen abgehort vnd die handlunge in gotts namen geschlosszen vnd nit in vorlengerung gestelt werdenn, Wie wir dann vnnser einfalt nach nit geachtet, dasz dardurch hernacher vnrichtigkeit oder zanck zugewartenn, Weil aber nit, Mussen wir es dahin stellenn vnd E. 1. vnd derselben Rhettenn gelegenheit vnd Rathsamen erwegenn heimgebenn. Wir hoffenn aber nimmer, dasz E. 1. sich dahin beredenn lassenn werdenn an andere derselben geschwistrigen was zubegerenn, das men des orts zu leisten vnmuglich, Sonder wir wollen vns zu E. 1. als dem freundtlichen geliebten Sohn nochmals Mutterlich getrosten, dieselb werde aus angeborner Milte vnd prüderlicher liebe jre geliebte schwester frewlin Dorothea jn allem gutenn stets bedencken, Dieweyl yo ohne E. 1. bruderliche befurderung, hilff vnd zuthun derhalben nichs vorzunemmen. Das gereicht got dem all. zu sonderm wolgefallenn, Eur 1. bey allermeniglich zu Rhum, vnd wir send es vmb E. 1. mit allem freundtlichen willenn zu vorschulden stets geneigt. E. 1. dem einigen heilandt Jhesu Christo empfellende. Datum vf vnserm leibgedings schlos Coldingen denn ij Februarij Ao. lxj. Dorothea vonn gots gnaden zu Dennemarken, Norwegenn etc. Konigin, Geborn zu Sachsen etc. hertzogin zu Schleszwig, holstein etc. Wittwenn. Original paa Papir med Udskrift til Kongen og Segl.
