97
41. 1561, 4 Februar. Durchlauchtiger furst, was wir Eur 1. in Mutterlichen trewenn vil ehr, liebs vnd guts zuerweisen wisszen zuuorann. Freundtlicher vilgeliebter Sohnne. Wir vbersenden Eur L. hiemit bey gegenwertigenn derselbenn Laggeyen iiij hemander, Mitt freundtlichenn pittenn, Eur L. wollenn vf dismal damit freundtlich vorlieb nemmen, Vnnd dasz wir gedachtenn Laggeyen derhalbenn anhallten lassen, vnfreundtlich nit vormerckenn. Wir hettenn auch Eur 1. Mutterlich gerne mer gesandt, da der zeit mer fertig werden mugenn, Aberst nach Rippenn bringen wir eur 1. mit gottlicher vorleihunge mer. Vnd mugen e. 1. danebenn freundtlich nit vorhaltenn, Das wir geneigt vnnsernn zug von hier auszzunemmen den Monttag nach dem vastelauendt, das wir also den dienstag hernacher aldar anzulangenn, Doch dieweil wir daselbst nit sonderlichs zu thun, wenig zeit zu pleibenn. Derallerhalbenn vns zu gantz Muterlichem gefallen were, da es Eur L. gelegenheit erleiden, Vnd ohne vorhinderunge wichtiger geschefften geschehenn mochte, Das Eur 1. zuuor, vnd ehe sie nach Rippenn geraisset, vns alhier Sohnlichen angesprochen hetten, Das wir doch zu Eur 1. eigen willen wollen mutterlich gestelt habenn. Thun dieselb damit dem all. gott freindtlich empfelhen. Datum vf Vnnserm widdumbs schlos Coldingen denn 4 Februarij Anno etc. lxj. Dorothea von gots gnaden Konigin zu dennemark etc. Geborn zu Sachsen etc. hertzogin zu schleswig etc. wittwen. Original paa Papir med Udskrift til Kongen og Segl (det danske og det saxiske Vaaben). 42. 1561, 31 Marts. Durchleuchtiger Furst, Eur L. sein vnser freundtlicher grus vnd was wir ehren, Liebs vnd gutts vormugen zuuornn. freundtlicher vilgeliebter Sohnn. Obwol der hochwurdig hochgeborne Furst, vnser auch geliebter Sohn herr Magnus, Bischofe der Stifft Esel, wick vnd Churlandt etc. begirig vnd geneigt gewesen Eur 1. eigner Person zw Bruderlicher vnderredung zuersuchen, haben wir doch derselben dem genomhmen abschide nach, so wir mit Eur 1. getrofen, nit wollen vorstatten. Derhalben dan Sein L. der vnuormeidentlichen notturfft halber derselben Cantzler an Eur 1. hiemit abzufertigen nit vmbgang haben khonden, Vnd ist demnach an Eur 1. alls den vilgeliebten Sohne vnser gantz Mutterlich bitt, Dieselben wollenn gedachten Cantzler an sich selbst gnedigst vnd schleinigst bescheidenn, vnd vf gethonen bericht der sachen gelegenheit vnd zustande allenthalben vornunfftiglich erwegenn. So machen wir vns gar keinen zweifel, Eur L. werden befinden, wie geferlich vnserm geliebten sohn Magnuss etc. von dem Teuzschen Meister vnd den Ordensherrn nachgesatzt etc., Vnd sich hernacher
