98
aller bruderlicher gebur zuerweisen wissen. Eur 1. werden sich hierin gegen erwendten Cantzler so gnedigst erzeigen, wie wir nit zweifeln. Das send wir vmb Eur 1. in Mutterlichen trewen zuuorschulden geflissen. Datum Coldingen den Montag post palmarum Anno etc. lxj. Dorothea von Gots gnaden zu Denemarken, Norwegen etc. Konigin, Geborn zw Sachsen etc., hertzogin zu Schleswig, holstein etc. wittwen. Orig. paa Papir med Udskrift til Kongen. Seglet er afrevet. Paa en indlagt Seddel: Nachdem wir auch weitleufftig berichtet worden, Das Dieterich beer vnserm Sohn ferrer beyzuwohnen nit bedacht, vnd aber er Seiner 1. in disen geschwenden leufften wol vortraglich sein kann, So bittenn wir freundtlich Eur 1. wollen bey gedachtem dieterich beer vorschaffenn, Das er noch ein zeit lang in lifflandt pleibenn vnd seiner 1. zum besten helffenn einrahtenn. Datum vt in litteris. 43. 1561, 12 April. Durchlauchtger furst, Eur 1. sein vnser Mutterliche trev vnd was wir ehrenn liebs vnd gutts vormugen zuuornn. Freundtlicher vilgeliebter Sohn. Wir Khonen E. l. mutterlich nit pergen, Das wir in vnser widerankhunfft zu Coldingen Des hochwurdigen hochgebornen fursten vnsers auch geliebten Sohns herrn Magnussen Bischofen etc., vf was Mittel vnnd wege durch Eur 1. Ire 1.ten widerumb in Ire stifft solten forderlichst abgefertigt werden, berichtet, Irer 1. auch dabey die verfertigten Notteln Eur 1. bedencken vberreicht. Ob nun wol Ire 1. in dem allem Eur bruderlichen Rhatt zufolgen gantz willig vnd daruf Iren Canntzler ettlicher doch geringer Puncten vnnd beschwerungen mit E. 1. vnderthenigst zw bereden abgefertigt, So wolten wir jedoch bey E. 1. ferrner des hochstes vnd vornembsten vnsers in diser Sachen anligens halben muterlicher vnnd freundtlicher meinunge zugedencken nicht vnderlassen, Vnnd nachdem E. 1. vileicht achten solten, Das Ire 1. hochgedacht sich zeit jres lebens in Ettliche heuratt nit einlassen, noch derselben Stifft erblich besitzen, Sonder das nach absterben dieselbige der Chron zu Dennemarck ohne alle Mittel eingethan vnd zugefallen sein solten, Ob dem allem wir dan wie billich ein hertzlich trauren vnd bekhummernus tragen, In furnemlicher erwegunge das dardurch allerley Sunde vnnd vnzucht angestifftet vnd die gottliche Mtt. zu ewigem zorn wider Ire 1. vnd andere, so dieselb darzu vorursachen, gereitzt werden, jnmassen dan ieder frommer gotsforchtiger Mensch vernunfftiglich zuermessen, was vbels vnd vnglucks daraus zugewarten vund bedencklichen sich solichs gottgefallenden Stands zuenteysernn. Weil wir aber Eur L. als den freundt-
