101
vnd dan einenn Kordell von 80 oder 100 Faden lang vorzustreckenn vnnd freundtlich vnbeschweret sein dieselbige bey einem Wagen schlenigst alhieher verfertigenn zu lassenn, Alls wollenn wir Eur L. solichen zeuge widerumb mit danck zusenden, So baldest desselben an gemeltem schiff nit mer zu thun sein wurdet. Eur 1. wollenn dise vnsere suchung in guttem vormerckenn, Das send wir vmb dieselb, So wir dem Ewigen Got zu ewiger vnd zeitlicher wolfart freundtlich empfe(1)hen thun, in Ehrenn vnd allem guttenn zu vorschulden freundt- vnd schwesterlich geneigt. Datum Coldingen den 13 april Anno etc. Im lxj Jhar. Paategning: Productum haderschleben den 14ten Aprilis 61. Konniginne bittet etzliche plucke zuuberschicken. Orig. paa Papir med Udskrift til Hertug Hans og Segl (det danske og det saxiske Vaaben). 45. 1561, 20 April. Durchlauchtiger furst. Was wir in Mutterlichenn trewenn allwegen vil Ehrr, liebs vnd gutts vormugenn zuuornn. Freundtlicher hertzlieber Sohnn. Wir haben Eur 1. sohnlich schreibenn, Koppenhagen dem 17ten ditz ausgangenn, heut dato zu vnsern handenn empfangenn vnd darausz verstanden, Das Eur 1. in Irer ankhunfft daselbst in die hundertt vnd mer pferdte mit grossem Costen hertzog Magnussenn etc. zugehorigken vor sich fundenn, vnd Eur 1. ferrer anzeig aufgegangnen Costens in dem sambt ferrerm anhange mit besonderm Mutterlichenn Wehmüt eingenommen. Dann wir jn hoffunge gestandenn, Es wurde sich gedachts vnsers Sohns etc. vorbringen vnd vormeldung nach allerding geschicklich erhalten haben, Weil aber nit, Musszenn wir es dem allmechtigenn gott empfelhenn vnd bittenn, Sein gottliche Maiestat Seiner 1. bessere weisheit vnnd furstlichen Starcke reichen wolle. Es sollenn es aber Eur 1. sohnlich vnd vngezweiffelt daruor halten, das wir an vnser Mutterlicher zuchtigung vnd straff, als die getrev Mutter, nie nichs erwindenn lassenn. Darumb vns dan Eur 1. anmanung destomer befrembtt, vnd wer vns gantz zu wider, wir Eur 1. vbertrusz oder beschwerdt in einichen weg vornehmmen soltenn, Dieweil wir Eur 1. als des getrewen freundtlichen geliebtenn Sohns frommen vnd bestes vorzusetzenn ausz Mutterlicher liebe vnd trev begirlich vnd geneigt. Nachdem wir nun aber zuerachten, erwendts vnsers Sohns hertzog Magnussenn etc. Cantzler, So vor 8 tagen von hier abgescheiden, werde bey Eur. l. nuhnner angereicht sein, So habenn sich E. 1. bey demselbenn aller gelegenheit zuerkhundigen, Daruff wir es dann beruhenn lasszenn, Gantz Mutterlichs fleis pittende, Als wir vf den Montag Jubilate nestkhunfftig von hier abfahren werden, E. 1. wollen sich der abfertigung halben gegenn lifflande allenthalbenn vorgleichenn vnd vns die vorhandlete jngrossierte abrede zufertigen, Wollen wir dieselbige 13*
