104
dise pottschafft vorgelaufen, wolten wir Eur 1. aus Mutterlicher Liebe mit Vnserm schreiben freundtlich zuersuchen nit vnderlasszenn, Vnd gebenn derselbenn freundtlich zuerkhennen, dasz wir alhier sambt vnser geliebtenn dochter glucklich vnd mit gutter gesundheit angelangt vnd morgens vnserer Reis ohne vmbschweif vnd vfgehalten straxs nachsetzenn werdenn. Der liebe gott gebe darzu sein gottlichen segen. Nachdem wir dan Eur 1. sunstenn nichs zuschreibenn, Bitten wir doch dieselb gantz Mutterlich, Eur L. wollen derselben freundtliche liebe Brüder in brüderlichem beuelch haltenn Vnd mit hertzog Magnusz die vorsehung thun, damit s. 1. mit getrewen vorsichtigen leutten vorsorgett, vnd hertzog hans etc. zu allem gottesforchtigen leben angehalten werde, Inmassen Eur 1. aus brüderlicher liebe vnd koniglichem vorstande hierin die anschaffung zuuorfugen, Das sein wir vmb E. 1. in Muterlichen trewen freundtlich zuuorschulden geneigt, Vnd thun damit Eur L. dem schutz gottes zu glüklicher Regierung vnd aller Christlichen wolfart empfelhen. Datum Flenszburg den tag philippj vnd jacobj Ao etc. lxj. Dorothea von gots gnaden zu Dennemarken Norwegen der Wenden vnd Gothen Konigin, Geborn zu sachsen, hertzogin zu Schleszwig Holstein, wittwe. Original paa Papir med Udskrift til Kongen og Spor af Seglet. 48. 1561, 22 Mai. Vnnser Mutterliche trew vnd alles liebs zuuorn. Durchleuchtiger Furst, Freundtlicher geliebter Sohnn, Wir haben Eur L. schreibenn, Copenhagen den ix ditz datiert, empfangen vnnd daraus vorstandenn, das Eur L. vnsern auch geliebten Sohn hertzogken Magnussenn etc. mit der Notturfft vnd vorstreckung, So Eur L. mer als gnugsam vnd bruderlich erachten, zu schiff abgefertiget, vnnd derselben andern lieben Brüder hertzogken hanssenn zu Furstlicher tugendt vnd aller Erbarkait anhallten woltenn, Auch was Eur L. schreiben sunst zu wunschung vnserer Reys mer anhengig etc. Nun habenn wir als die Mutter von Eur L. gern vormerckt geleister brüderlicher abfertigung, So sie gedachten Iren prüder hertzog Magnussen etc. erwissenn, Weyl wir aber nit zuuorsthenn, was vor ein beuelhhaber Seiner L. mitgegebenn, habenn wir ein Mütterliche vorsorg, Das Sein L. wegen derselben Einfaldt vnd Jugendt in weiterung vnd ferrer geltspildung zugerahtenn, Wöliche vorhutung wir doch vorhoffen von Eur L. würcklich geschehen sein, Vnd wirt vngezweiffelt der allmechtige Gott reichlich ergetzen die Christliche billiche trew, So sie Irem prüder hertzog Magnussen In ietzigem zustande, vnd weil sich Sein L. alles vatterlichen Erbtheils vorzigen, scheinbarlich erzeiget. Hertzog hannssen belangett wissen wir E. l. zw aller brüderlicher neigunge vnd gutem geneigt sein. Vnd mugen E. 1. freundtlich nit pergen, das wir vf nest khunfftigen 9 Junij alhie vfprechenn vnd widerumb nach vnserm Leibgeding ziehenn werdenn. Der allmechtige Gott gebe mit gnaden, wir soliche Reys mit gottlicher
