106
hernacher aüs Irem Konigreich derenthalben nit zubegeben. Ewer L. wollen disen dingen sohnlich vnd also nachdencken, das zu vnser aller aufnemmen, gedey vnd gemeiner wolfart zugereichenn. Das sein wir vmb dieselb in Mutterlichen trewen vnd allem gutten zuuorschulden freündtlich geneigt. Eur L. dem schutz gottes treulich empfellende. Datum Dorgia den Freitag nach den heyligen Pfingsten Anno etc. Im lxj jhar. Dorothea von Gotts gnaden zü Dennemarcken Norwegen etc. konigin, Geborn zu Sachsen etc., hertzogin zu schleszwig Holstein etc., Grefin zu Oldenburg etc., Widtwen. Orig. paa Papir med Udskrift til Kongen,,Zu Seiner 1. aigen handen" og med det sædvanlige Segl. 50. 1561, 22 Juni. Durchlauchtiger furst, freundtlicher geliebter Sohn. Neben erpietung vnser Mutterlicher lieb vnd trew Fugen wir Ewr L. freundtlich zw wissen, das wir sambt vnser hertzlieben Tochter frawlin Dorothea etc. vnd freundtlichen geliebten Sohn, hern Christian, herzogen zw Sachsen etc. alhie durch die gnade Gottes mit gutter frischer gesundtheit einkhammen vnd entschlossen sein vnserer angestalten Rays nach vormittelst gottlicher hilff den ersten tag Julij negstkhunftig vff vnserm leibgeding schlosz Colding anzulangen. Ob wir nun woll ein sonder vorlangenn, wir vns mit Eur L. als dem freundtlichen geliebten Sohne freundtlichen vnderreden muchten, Weyln aber zubesorgenn, das Eur L. wegen derselben viler vnd sonderlichen Reichs geschefften mit vngelegenheit abzukhommen, So bitten wir freundtlichen, Eur L. vnsz derselben geliebten pruder hertzogen Hansen freundtlichen vbersenden wollen, damit S. L. bey vns zw Coldingen schleinigst anzuraichenn, So wollen wir mutterlich verhoffen, Ewr L. vns zu Irer gelegenheit auch vnbesucht nit lassen werden, damit wir vns allenthalben freundtlich zwunderreden. Daran erzaiget vnsz Ewr L. ein sonderliches gefallen, vnd wollen es vmb dieselb iederzeit gern vorschulden. Eur L. dem schutz gottes empfellende zu glucklicher Regirung vnd aller Christlicher wolfardt. Datum Im Closter Segenberg den 22 Junij Ao Lxj. Dorothea von Gottes gnaden zw Dennemarck, Norwegen etc. Konigin, Geborn zw Sachsenn etc., Hertzogin zw Schleszwig, Holstein etc., Widtwe. Orig. paa Papir med Udskrift til Kongen og Segl. 51. 1561, 3 Juli. Vnser freundtlich grus, vnd alles liebes zuuor. Durchlauchtiger furst, freundtlicher geliebter Sohnn. Was an vns der hochgeborne furst, vnser lieber Oheim, herr
