110
Munchausen In seinen sachen zugeprauchen vnd sich rein zu machen vor meindt, nitt vberredenn lassenn, Sonder auch S. L. gegen Munchausen noturfftiglich hören, Inmassen wir ewer 1. zu aller bilhiheit gerichtet wissenn. Datum vt in litteris. 55. 1561, 31 Juli. Dorothea vonn Gotts gnadenn zu Dennemarcken Norwegenn der Wennden vnnd Gotthen Konigin, Gebornn zu Sachszenn, hertzogin zu Schleszwig Holstein Stormar vnd der Dietmarschen, Graffin zu Oldenburg vnnd Dellmenhorst, Widtwe. Vnnsernn freundtlichenn grus vnnd was wir ehrenn liebs vnnd gutts vormugen ieder zeitt zuuor. Hochgeborner furst, freundtlicher geliebter Bruder, Wir haben Eur 1. freundtlich schreibenn vnnd begerr als derselben ettliche Norrwegische Dellen oder Bretter zubedeckung eines Thorms zuuorstatten sambt ferrnerm Inhallt zu freundtlichenn gefallen vorstandenn. Ob wir nun Eur 1. als dem freundtlichenn geliebten brudern nit allein in solichem geringen sondern vil mererm in ehren freundtlichen zu willenfarenn geneigt, So mugenn wir doch derselbenn freundtlichen nit bergen, Das dergleichenn Deelen, so ewer 1. zu angezogenem behuoff zugebrauchen, nit bey vns, allein ettliche Raffenn, so sich vber ein halb ehln an der breitte nit erstreckenn. Da dan dieselbige dienstlich vnnd zugefallenn, wollenn wir ewer 1. damit begirlich gern willenfarrn. Damitt dann an vnserm muglichen vleisz nichs zuerwenden, Habenn wir bey den vnnsernn vmb dergleichenn Deelen nach forschen lassen vnnd befunden, das diser tagen ein Sckutten mitt Norwegschenn Deelen alhier angereicht, Das wir dan Eur 1. freundtlichen vorwissigen sollenn, Damitt sie vns bey gegenwertigem brieffszeigern zuuorstendigen, Ob soliche Sckuten gegen haderszlebenn zu furenn vnd alhier anzuhalltenn, Dan ewer L. mit obgemelten vnnsern Rafften vnd sunst allem muglichen zu willenfarrenn sein wir in ehren freundtlichen geneigt. Datum Coldingen denn 31ten Julij Anno etc. Im lxj Jhare. Orig. paa Papir med Udskrift til Hertug Hans og Segl (det danske og det saxiske Vaaben). 56. 1561, 9 August. Vnnsern freundtlichen grus vnd was wir ehrenn liebs vnnd gutts vormugenn iederzeit zuuor. Durchlauchtiger Furst, freundtlicher geliebter Sohn, Wir mugen Eur 1. freündtlich nit pergen, Das vnser Jung, So Eur L. wegen der angestellten heimfurung vnser freundtlichen geliebtenn Tochter an hertzog wilhelmen zu Lunebürg etc. gesandt, Jn dato widerumb an vns gelangt vnd vns sein L. freundtlich ersucht hatt, beyligendt schreibenn an Eur L. furderlich zuschickenn, Damitt jm fall Seiner L. ab-
