111
gefertigter Bott so baldt nitt zur stett kheme, gleichwol dises schreibenn an Eur 1. furderlich gelangen mochte, Auch das wir bey ewer L. ferrer mutterlich befurdern wollten, damitt Eur 1. die auszschreibung vnd forderung an die furstenn ohne vorzug ergehnn lassen woltenn. Wan dan, freundtlicher geliebter Sohnn, die zeit vor der thur, vnd die noturfft erfordern will sich nun mer zur Reis zuschickenn, So bittenn wir Mutterlich vnd freundtlichen, Eur 1. wollen den Churfursten zu Sachsenn etc. Marggrafen zu Brandenburg, die hertzogen zu Mechelburg auch andere, so Eur 1. vorzeichnet, zum baldesten vorschreibenn vnd die anzall der pferdt vormelden lassenn, Weyl die lassung der pferdt zu zell nicht grosz, Vnnd vns solicher einladung Copeyen auch widerantwort an hertzogken Wilhelmen sambt derselben abschrifft vnd vorzeichnus deriehnigen, so Eur 1. vns zuordnen werden, zusenden bey gegenwertigen, Damit Sein L. ietz gedacht sich darnach zu richtenn. Wann dann Sein L. auch vor ratzam angesehenn, dasz der Churfurst zu Sachsenn etc. vnd die hertzogen zu Mechelburg den Sonabendt als den älfften Octob. zur olltenstatt bey vns anlangenn soltenn, Alls vbersendenn wir E. L. hiemitt ein auszzug vnserer angestellten Reis, Daruff Eur L. die fursten desto besser zubescheidenn. Wir bittenn nochmaln gantz freundtlichen, weyl es so weit khommenn, Eur 1. wollen an derselbenn befurderung nichs manglen lassen, damitt vnsers theils kein vorseumnus erscheine. Das sein wir vmb Eur 1. vor vnser person mit allen Mutterlichen trewen zuuorschuldenn begirig vnd geneigt. Datum Coldingen den 9 Augustj Anno etc. Jm lxj. Dorothea von Gotts gnaden zv Dennemark, Norwegen etc. Konigin, Geborn zu Sachsen etc., hertzogin zu schleszwig, holstein etc., Widtwe. Original paa Papir med Udskrift til Kongen og Segl (det danske og det saxiske Vaaben). Tillæg til Brevet: Den 26 Septembris freitag zu hadersleben. 27 Sonabendt zu openrade. 28 Sontag zu flensburg. 29 Montag daselbst stilgelegen. 30 Dienstag zu Schleswigk. 1 octob. Mittwochen zu Ecklenforde. 2 Donderstag zu Bretz. 3 Freitag zu Segenberg. 4 Sonabendt, 5 Sontag daselbst stillgelegen. 6 Montag zu N. 7 Dienstag zu Bergerdorff. 8 Mittwochen zu luneburg. 9 Donderstag daselbst stilgelegen. 10 Freitag zu Vltzsen. 11 Sonabendt zur oltenstatt. 12 Sontag zu Zell mit gottlicher hilff. Weyl dan von Schleswig vff Ecklenforde vnd Pretz gutte ausrichtung vnd herberg zubekommen, haben wir vor vnnotig geachtet vff Rentzburg vnd Neuwenmunster zu zu ziehen. Datum vt in literis. 57. 1561, 11 August. Vnnser muterliche trew iederzeit zuuornn. Durchlauchtiger Furst, Freundtlicher geliebter Sohn, Wir haben aus ewer L. schreibenn Copenhagen den letzsten Julij da-
