112
tiert vorstanden, das ewer L. zu Copenhagenn mit gutter leibs gesundheit ankhommen, Vnd das der Konig zu Schweden mit Seiner L. Brudern in Widerrung gerahtenn, vnd der Konig erstochen worden sein soll, Vnnd was ewer L. vns ferrer von vnsers Sohns hertzog Magnussen etc. zustandt zuerkhennen geben. Nun haben wir ewer L. gesundheit vnd glucklichen zustande als die getrew Mutter mitt hertzlichem vorlangen vormerckt, aber vngern vornohmmen, Das der Muskaviter vnserm Sohn zwey dorffer auszgebrandtt, vnd der Konig zu Schweden die Statt vnd schlos Reuel erobert vnd sich mit gewalt Jn lifflandt trengen solle. Der allmechtige Gott wolle doch solichem vnchristlichem Veindt dem Muscawidter steuren vnd die Arme lifflander gnediglich erretten, Das wir aus Christlichem mittleiden trewlich wunschen. Vnndt weil dan des Konigs zu Schwedenn Rahte sich gegen vnserm Sohn was dunckel Vnnd zweiffelhafftig vornehmmen lassenn, Vnnd der Konig zu Poln hilff begert wider Schwedenn, Auch in disen geschwendenn leufften gedachtem vnserm Sohn notig sein will wol zuzusehenn, Bitten wir Mutterlich, Eur L. wollen seiner L. mit Rhatt, wes dieselb sich allenthalben vorhallten soll, bruderlich erscheinen, Damit Sein 1. wegen derselben Jugendt nit in weiterung zugelangen. Vnnd wollen vns auch Eur L., da sie gewise zeitung, wie es mit dem Konig zu Schweden gewandt, eingezogen, vns dieselbe auch mittheilenn, Vnnd vns sunst mitt Jrem schreiben furderlich ersuchenn Vnnd die einladunge der Fursten zu vnsers frawlins einfurung gegen zell, des hertzogen zu Luneburg beschehnem suchen nach, mit vleis bestellenn. Das sein wir vmb Eur 1. freundtlich vnd Muterlich zuuorschulden geneigt Vnd thun Eur L. dem allmechtigen gott zu aller wolfart hertzlich empfellen. Datum Coldingen den 11ten Augustj Ao etc. 61. Dorothea von Gotts gnaden zu Dennemarcken Norwegen etc. Konigin, Geborn zu Sachsen etc., hertzogin zu Schlesz wig Holstein etc., Widtwe. Orig. paa Papir med Udskrift til Kongen og Segl (det danske og det saxiske Vaaben). 58. 1561, 13 August. Durchlauchtiger furst freundtlicher geliebter Sohnn. Nachdem vns dise Botschafft bey Eur L. Einspeniger vorgestanndenn, Woltenn wir Eur L. mit disem vnserm schreibenn freundtlichen ersuchenn, Vnnd da es Eur L. an leibes gesundheit glucklichen zustunde, Das were vns ein hertzliche freudt zuerfarenn. Wir sambt Eur L. hertzliebe geschwister sein gott lob auch noch frisch vnd bey guter vormugenheit, der allmechtige Gott geb zu allen theillen ferrer gnade. Weiter, freuntlicher geliebter Sohnn, Mugen wir Eur L. freundtlich nit pergenn, dasz vnnser freundtlicher geliebter Oheim herr wilhelm der Junger, hertzogkh zu Braunschweig vnd Luneburgen, vns freundtlich ersucht bey Eur L. zufurdern, damit vnser Furier vierzehen tag vor vnser ankhunft zu zell erscheinen vnnd die losier bestellenn
