113
muchte etc. Ob wir nun keinen zweyfel, Eur 1. werden zu solicher Einfurung Jrer geliebten vnnd einigen vnuorsorgten schwester an vleisiger bestellung ohne vnser erinnern nichs manglen lassen, Vnd was sich vnnser seitz geburn will mit der Einladung vnd anderer zuordnung alle ding zum vleisigsten anschicken, Wolten wir gleichwol als die Muter bey Eur 1. hochgedachts hertzogk Wilhelmen suchen freundtlich gedencken, Vnd bittenn Mutterlich Eur L. wollen den Furier, so sie vorordnen werden, mit dem Furier zedel vnd anderm, so vns zu solicher Reis zuwissen, an vns abfertigen vff soliche zeit, Damit er 14 tag vor vnser einkhunfft wie gemelt zu Zell zuerscheinenn, Vnd vns Eur 1. zustande zuerkhennen gebenn. Das sein wir vmb Eur L. Mutterlichs vleis zuuorschulden geneigt. Datum Coldingen den 13 Augustj Ao. 61. Dorothea von Gotts gnaden zu Dennemark Norwegen etc. Konigin, Geborn zv Sachsen etc., hertzogin zu Schleszwig holstein etc., widtwe. Orig. paa Papir med Udskrift til Kongen og Segl (det danske og det saxiske Vaaben). 59. 1561, 20 August. Vnser muterliche liebe vnnd trew stetts zuuor. Durchlauchtiger Furst Freundtlicher lieber Sohnn, Wir habenn aus den zugesandttenn brieffenn neben ewer L. schreiben Sontby in Schona ausgangen abermals mit Christlichen Mittleiden vnnd Mutterlichenn wehmutt vornohmmen, Jn was beschwarlichen betrug, Jamer vnd not vnser Sohn Hertzog Magnusz, derselbenn Stifft vnnd ellende vndersassen sitzenn vnnd von dem Tiranischen veinde Muskawidter vnd andern potentaten taglich besorgenn mussen. Wöliches alles ietzgedachter vnser Sohnn wehmutiglich an vnns gelangen lassenn, Mitt angeheffter bitt, wir bey ewer L. hochstes vnnd Mutterlichs vleis befurdern vnd fortsetzen helffenn wolten dasiehnig, So Seinen L. vnnd derselbenn armen vnderthonenn zuentsetzung dienstlich sein mochte, wie aus solichem Jamerlichenn schreiben vnnd suchen, So wir ewer L. hiemit wider zusendenn, zuersehenn. Ob nun wol ewer 1. an vns gethon schreibenn dahin gerichtet, Seiner 1. hochgedacht mer als bruderliche hilffreiche erzeigunge wircklich widerfarhn sein, Vnd das ewer L. ferrer mit fuogenn zu was nit zutringen noch iethwas auffzulegenn etc., kondtenn wir gleichwol Seiner L. aus mutterlicher eingepflantzter neigung hiemit in guttem zugedencken nit vnderlassenn. da wir in ietzigem gefahrlichen vorstande an vnser mutterlicher befürderung was solten manglen lassenn, dardurch sein L. in vngluck vnd vorderb zugelangenn, So doch der allmechtige Gott mit gnaden wole vorhutten, Alls wurde vns vnser gewissen ruhrenn vnd iederzeit ein nagenden Wurm geberrn, Derhalbenn wir vor vnser person vngern was erwinden lassen wolten, So seiner L. vnd derselben Stifft zu vffnehmmen vnnd gedey zugereichenn, Vnd bitten demnach nochmaln gantz mutterlichenn, Euer L. wollen von Dan
