114
Gott gegebnen vorstande vornunfftiglich ermessenn vnd zu gemuht fuhrenn, Da sein L. in diser vorsthehenden nott von ewer L. hilff vnd Rhatlosz gelassenn, was schimpff, vnrichtigkeit ewer L. vnd vns daraus zugewartenn, Vnd demnach zuuorhutung allerley vnheil, wo seiner L. nit allein den armenn vnderthonen zu rettung vmb Gottes willen vnd christlicher barmherzigkeit befurderung leistenn, Das dieselbige mit Roggen, gersten, hopffenn vnd andern noturfft entsetzt vnd sein 1. neben derselben Armenn vnderthonen hungers halben sich ausser landes nit begebenn durffen, Vnd seiner 1. sunst getrewen heilsamen Rhatt mittheilen, wesz dieselb sich mit vorkhauffung des Stiffs Reuel gegen dem Schwedenn vnd andern vorhallten soll. Daran erzeiget ewer L. ein Christlich werck, vnd wirt es der allmechtige Got derselben anderwegenn mit gnaden gedeihen lassen. Eur 1. wollenn dise vnsere suchung zu freundtlichen gefallen vorsthen, Bitten wir muterlichs vleis vnd vns derhalben vnsohnlich nit vormercken, Dan wir Eur 1. mit disem vnserm schreibenn, erkhenne es Gott, villieber woltenn vorschonen, Wa wir vnsers sohns hertzog Magnusen zustandt vnd gelegenheit nach dessen vmbgang habenn khonden. Das sein wir vmb ever l. als den freundtlichen geliebten Sohn freundtlich zuuorschulden in ehren geneigt, Vnd thun ewer L. dem gnadenreichen Schutz Gottes empfelhen. Datum Coldingen den 20 Augustj Anno etc. 61. Dorothea von Gotts gnaden zv Dennemark Norwegen der wendn vnd Gotten Konigin, Geborn zv Sachsen etc., hertzogin zu Schleszwig, holstein etc. widtwe. Orig. paa Papir med Udskrift til Kongen og Segl (det danske og det saxiske Vaaben). 60. 1561, 20 August. Dorothea vonn Gotts gnadenn zu Dennemarcken Norwegenn der Wenden vnnd Gothen konigin, Geborn zu Sachsenn etc. hertzogin zu Schleszwigk Holstein Stormar vnd der Dietmarschen, Grafin zu Oldenburg vnd Dellmenhorst, Widtwe. Vnnser freundtlich grus zuuor. Hochwurdiger hochgeborner furst, freundtlicher lieber Sohn, Wir habenn abermals deiner 1. beschwerdt vnnd obligenn aus derselben schreibenn, Arnsburgk denn 14 July auszgangenn, mit ferrnerm suchen vnnd begern nach der leng vornohmmen, Vnnd mugen deiner L. daruff nit vorhallten, das wir gar kein vorwundern tragenn, Ob deiner L. ietzigenn vnglucksaligenn Armen vnd Ellenden zustande, bey wölichem zubesorgenn es nit pleiben, Sonder der allmechtige Gott deiner L. vilmer vnheil zufugenn werde. Dan wir weitleufftig vonn Glaubwurdigenn leuten in erfarung kommen, Wie vngottselig vnnd wild Dein L. Jr lebenn anstelle vnd sich des willden Rochlosen vnnd vnfurstlichenn wesens, als hieuor geschehenn, befleisige vnnd
