119
riers, so wir denselben nicht balde abschickenn wurdenn, Vnns einen Furier zum furderlichsten alher schickenn, Denn wir dann alsbaldt mit dem furier zeddel nach zell befurdernn, Vnnd was an vns, freundtlich fortsetzenn wollenn. Was dann denn andern Furier, so allzeit bey vnns sein soll, betrifft, bedarff keiner erinnerung, Dann ohne zweyfel E. L. dennjenigen, so sie vns zugeben werdenn, woll einen tauglichen Furier verordnen wirdt. Welches alles wir vnns zu E. L. freundtlich versehen. Dieselbige wir denn Schuz Gottes entpfhelenn. Datum Coldingen denn 23ten Augusti Ao etc. lxj. Original paa Papir med Levning af Udskriften til Kongen og Segl (det danske og det saxiske Vaaben). Paa en indlagt Seddel: Ferner freundtlicher geliebter Sohn, Wir kommen In erfarung, das zw Nyburg stehen vnnd warten sollenn xj pferdt zw vnsers frewleins behuoff, Darunder funff blawschimmel vnnd sehs rothschimmel, Weill dan dieselbigen Jung sein sollenn, habenn wir zwen wagennknecht dahin gefertigt, dieselbigenn zwbesichtigenn, ob sie auch zugebrauchen. Wir muegen aber E. L. freundtlich nicht pergenn, Das wir vor dem einen wagen acht pferdt haben muessenn, Derhalbenn vnser freundtlich bitt, E. L. die zall der pferdt darnach wollen lassenn beschaffen, das vor denn einen wagen sechs vnnd vor den andern acht pferdt zukhomen, Wie wir ann E. L. freundtlicher befurderung nicht zweyfelnn. Datum vt Inn Literis. Paa en anden indlagt Seddel, som dog maaskee egentlig har hört til et andet Brev. Ferner freundtlicher geliebter Sohn, Ob wir woll gernn denn hochgelarthen vnsern Doctorn vnnd liebenn getreuen Cornelium etc. mit vnns gegen nechstkunfftige Gottverleihende heimfurung vnserer geliebtenn Tochter Frewlein Dorothea habenn vnnd nhemen wolten, So durffen wir doch vnser Junges Sonlein herzog Christian vmb tragender sorgfeltigkeit willenn nicht allein lassenn, Vnnd haben derhalbenn vor gutt angesehenn vnnd beschlossenn, Das wir gemelten Doctorem Cornelium alhier denn kinderlein zuordnen, Vnnd den auch hochgelerthenn, Vnsern liebenn besondern Doctorem Heliam Reinpolt etc. mit vnns nach zell nhemen wollenn. Wann wir dan zu solchem vnserm zuge nicht wol eines Medicj entpheren konnen, Sonderlich in diesen gefärlichenn zeitenn vnnd herbst, darin gemeinglich sich allerley kranckheitenn erregenn, So bitten wir E. L. ganz freundlich, Dieselbenn wollen Sohnlich friedlich sein, Das wir gemeltenn Doctorem heliam zu solchem zuge anhaltenn vnnd brauchenn werdenn, Vnnd solchs E. L. guttenn willenn der Vniuersitet zw Coppenhagen gnedigst vermelden lassen. Das seind wir vmb E. L. muterlichs vleisz zuuorschuldenn Inn Ehrenn freundlich geneigt. Datum vt Inn Literis.
