121
nem gantz mutterlichem biten nach, vor der Odensehischen hochzeit zu muterlichen ehren alhier besucht haben, Weyl aber zuerwegen, das Eur L. die hochzeit mer angelegenn, Musen wir es geschehen lassen. Wir wollen aber vorhoffen, Eur L. werde dise vnsere noturfftige suchunge guter meinunge vorsthenn, Vnd da es Ir anmutig nach der hochzeit an vns zukhommen, Sunst wir Eur L. wider derselben sohnlichen willen vnd gelegenheit nit gern erzwingen wolten. Sein damitt Eur Muterliche trew zuerweisen fn geneigt. Datum Coldingen in groser Eyl den 18 Sept. Ao etc. Im lxj. Dorothea von Gots gnaden zu Dennemark, Norwegen, der Wenden vnd Gothen Konigin, Geboren zu Sachsen etc., hertzogin zw Schleszwig, Holstein widtwe. etc., Original paa Papir med Udskrift til Kongen (cito, cito, citissime) og Segl (det danske og det saxiske Vaaben). 64. 1561, 20 September. Freundtlicher geliebter Sohn. Vns ist Eur 1. schreiben, Nyburg den 19 ditz datiert, ietzo disen abendt vberbracht wordenn, darin wir Eur 1. derselbenn ehafften halben, so sie jm Furstenthumb holstein etc. zuuorrichten, gericht finden Dienstags oder Mittwochs bey vns zuerscheinen, Das wir billich zu hochen freuden vorsthen sollen, das Eur 1. eben auff dise zeit Irer gelegenheit vnd gescheffte nach reysen, vnd wir derselbn zu worten khommen khonden. Wir hetten vns aber gleichwol muterlich vorhofft, Eur 1. vns zu Muterlichen ehrenn als der Sohn ohne das zu noturfftiger vnderredunge zuersuchenn freundtlich geneigt gewesenn. Weyl aber Eur 1. villeicht mer neigunge der Odensehischen hochzeit ob zu sein, lassen wir es geschehenn, Wir bitten aber doch gantz muterlich, Eur 1. wollen ja vff diszmal, wa nit vns, derselben numer einigen vnuorsorgtenn schwester zu wolfart vnd bestem jre gelegenheit dahinstellen, das sie vff nestkhunfftigen Montag alhier gewislich zuerscheinen, Vnd wir mit Eur 1. noturfftige vnderredung, so wir also, wie wir wol aus Muterlicher eingepflantzer liebe geneigt sein, in schrifften nit vormeldenn khonden. Das wollen wir vmb Eur 1. mit vleis muterlich vorschulden, vnd wolten dis Eur 1. hiemit zur widerandtwort nit pergen. Datum Coldingen den 20 Septemb. Anno etc. lxj. Dorothea von Gots gnaden zu Dennemark, Norwegenn etc. Konigin, Geborn zu Sachsen etc., hertzogin zu Schleszwig, holstein etc., widtve. Original paa Papir med Udskrift til Kongen og Segl (det danske og det saxiske Vaaben). 65. 1561, 30 September. Durchlauchtiger furst, Ewer 1. sey vnser freundtlich grus vnd was wir ehrnn liebs vnnd guts vormugen stets zuuorann. freundtlicher geliebter sohn. Wir mugen
