125
68. 1562, 29 Januar. Durchlauchtiger furst Vnnsernn freundtlichenn grus vnnd alles liebs zuuorn. freundtlicher geliebter Sohne, Als vns dise Botschafft vorkhummen, Woltenn wir E. L. mit disem vnserm Schreiben freundtlicher meinung ersuchenn, damit wir E. L. freundtlich erinnern mochtenn der gethoner sohnlichen zusage, dabey sie vnns sohnlich vortrostet, Vns den Ehrnuesten vnsern lieben besondern Beridt Troll etc. nach dem Lande zu Meisen zu ziehenn etc. zuuorstadtenn. Wan dan die zeit numer vor der thür, das wir vns vff den zug zubegebenn, So bitten wir E. 1. freundtlich, die wollen bey gerurtem Troll die vorsehunge thun lassenn, Das er acht tage vngefarlich vor Reminiscere nestkunfftig bey vns alhier gewiszlich zuerscheinen Vnd vns zu gerurtem zuge zuuolgen, Inmassenn wir an E. L. sohnlicher wilfarung nit zweifeln. Vnd wollen damit dieselbe dem allmechtigen Got empfelhen. Datum Coldingen den 29 Januarij Ao 62. Dorothea von Gots gnaden zu Dennemark, Norwegen, der Wenden vnd Gothen Konigin etc. Orig. paa Papir med Udskrift til Kongen og Segl (det danske og det saxiske Vaaben). Paa en indlagt Seddel: Verrer freundtlicher geliebter Sohnne, Es hatt vns Gegenwertiger E. L. Einspeniger vnderthenigst ersucht, das wir jue bey Eur 1. gnedigst geruhenn zuuorbieten, damit er mitt vns nach dem lande zu Meisen zu ziehenn, Dan er seiner guter halben derselben orter zu thun. Wan wir dann solich suchen nit wol khondtenn abschlagen, So woltenn wir jne vmb seiner bitt willenn gnedigst woll mugen leiden, Da es Eur 1. gelegenheit, dasz sie seiner zuentrahten. Das wir E. L. hiemit auch nit pergen woltenn. Datum vt in literis. zuuorn. 69. 1562, 3 Februar. Dorothea vonn Gots gnadenn zu Dennemarckenn Norwegenn der Wenndenn vnd Gothen Konigin, hertzogin zu Schleszwig holstein etc., Widtwe. Vnnsernn freundtlichen grus vnnd was wir in ehren liebs vnnd guts vormugen Wir woltenn Ewer L. Hochgeborner Furst freundtlicher geliebter Bruder. mit disem vnserm schreibenn freundtlicher meinung belangenn, Damit wir dieselb freundtlich erinnern mochtenu des Vischers, Dauon vns E. L. vns denselbigen vonn einem von Bylow zuwegen zu bringen vortrostung gethonn, Als dan briefszeiger soliche werbung vonn lubeck aus wol zubestellenn, Bittenn wir freundtlichen, E. L. wollenn an gerurten von Bylow schreiben lassenn vmb einenn vischer, der auch jm fliesenden waszer als jn Strumen zu fischen vorstande hab, Vnd also damit vnser im 16*
