126
besten gedencken. Wissenn wir E. L. schir morgen freundtschafft jn ehren zu erzeigen, Das thun wir freundtlichen gern. Datum Coldingen denn 3ten februarij Anno etc. 62. Orig. paa Papir med Udskrift til Hertug Hans og Spor af Segl. 70. 1562, 23 Februar. Vnnsernn freundtlichenn grus vnd was wir in ehrenn liebs vund guts vormugen stets zuuorn. Durchleuchtiger furst, freundtlicher geliebter Sohn. Wir wollenn vns keinen zweifel machen, E. l. werdenn noch frisches vnd guttes gedencken tragenn, was vor Irrung vnd gebrech sich zwischen dem Adel, so nahendt vnserm leibgedings Ambte Drottingburg gesessen, von wegenn der Mulin, so daselbst gebawet wordenn, erhebet vnd zugetragen. Vnder Anderm sich dan auch der Erbar vnnser lieber besonder Christoff Rosenkrantz seliger beklaget, das jme an seinen wischen vnnd guttern schadenn widerfahrnn. Weil wir nun ye vnd allwegenn des gnedigsten erbietens gewesen zubefurdern, Damit solicher schadenstande allenthalben widerabgeleget vnd vorglichen werdenn mocht, So habenn wir vnlangst dem Erbarn vnserm Ambtman vff Drotingburg vnd liebenn getrewenn Jorgen Rosenkrantz aufferleget soliche schaden zubesichtigen Vnd die widergeltunge, so derhalbenn zu geschehen, anzuzeigenn. Nachdem vns nun obgerurts Christoff Rosenkrantz seligenn Erbenn vnderthenigst ersucht, Nachdem sie in Erblicher theilunge sein Christoff Rosenkrantz seligen Vorlassner guter, auch solicher scheidung vnd gebrechen halber vnder sich theilung zuhabenn, So woltenn wir nit vnderlasszenn E. L. hiemit freundtlich zubelangen, damit sich niemantz wider die billicheit zubeklagen. Vnnd wan dann soliche Mulin dem Ambt Drotingburg nit vndienstlichen, Vnd dan dieselbige Eur L. nach schickung des allmechtigen heimgefallenn, So bittenn wir E. 1. gantz freundtlichen, Damit meiniglichen zu seinem geburlichen Rechten vorholffen, Die wollenn gerurtem vnserm Ambtman Rosenkrantz Commissarien vnd Rhate zuordnen, die den Schadenn, So Christoff Rosenkrantz seligen begegnet, zubesichtigen, vnd E. 1. nach eingenohmnem Augenschein die Erben daruff zur genuge zubefridigen. Wie wir dan E. 1. als den geliebten sohne zu allem billichen geneigt wissen. Das sein wir vmb E. 1. Muterlich vnd in trewen vnd ehrenn zuuorschuldenn geneigt. Datum Coldingen den 23ten Februarij Ao 62. Dorothea vonn Gots gnaden zw Dennemark, Norwegen, der Wenden vnd Gothen Konigin, Geborn zu Sachssen etc., hertzogin zu Schleszwig,. Holstein etc., Widwe. Original paa Papir med Udskrift til Kongen og Segl (det danske og det saxiske Vaaben).
