127
71. 1562, 26 Februar. Dorothea vonn Gots gnadenn zw Dennemarck, Norwegenn, der Wenden vnnd Gothenn Konigin, Geborn zu Sachssen etc., hertzogin zu schleszwig, holstein etc., Widtwe. Vnnsern freundtlichen grus vnd was wir in ehrnn liebs vnd guts vormugen zuuor. Hochgeborner furst, freundtlicher geliebter Bruder. Nachdem wir vf vnserm leibgedings hause Sonderburg beuelh gethann, denn Windelstein daselbst zubedecken, So manglet es aber an Negel, die alhier nit zubekhommen. Wann wir nun gerurten Windelstein in dem gern vorfertigt sehenn, So ist an E. 1. vnser freundtlich bitt, die wollen zu solichem behuoff vns ein halbenn thunna oder Ein Viertl Schifer Nägel leihenn, vnd dieselbige nach Sonderburg lassenn furdern. Das sein wir vmb E. 1. freundtlich in ehren zuuorschulden geneigt. Datum Flensburg den 26ten Februarij Ao etc. 62. Paategning: Productum hadersleben denn 3ten Marcy Aº. etc. Ixijten. Bittet vmb eine halbe tonne Schiuer nagell zu Irer ko. w. gebauwete zu Sunderburgk. Original paa Papir med Udskrift til Hertug Hans og Segl (det danske og det saxiske Vaaben). 72. 1562, 24 Marts. Dorothea von Gotts gnaden zu Dennemarcken Norwegenn der Wendenn vnnd Gothenn Konigin, Gebornn zu Sachssen etc., hertzogin zu schleszwigk holstein etc., Wiidtwe. Vnnsern freundtlichenn grus vnd was wir in ehrnn liebs vnnd guts vormugen zuuor. Hochgeborner furst freundtlicher geliebter Bruder. Nachdem wir briefszeigern nach vnnserm leibgedingk abgefertigt, woltenn wir nit vnderlassenn Ewer L. mit disem vnserm Schreibenn freundtlich zuersuchen, Vnnd fugen E. L. freundtlich zu wissenn, das der allmechtige Got vnnser hertzliebe tochter die Churfurstin Irer L. frawlichen Burdin vngefarlich zehen tag vor vnser glucklichen ankunfft alhier gnedigst erledigt, vnd ein Frawlin ohne leibs mangl vnd gebrechen wol beschert, Auch das wir vnd hochgedachte vnser geliebte tochter sambt den Iren bey guter gesundtheit sein, Dem allmechtigen sey lob vnd Danckh, Der geruhe vns allerseitz mit gnaden zuerhallten vnnd zuuorleihenn, Das wir E. L. wolgehendt vnd leibs fristunge Jederzeit zuuornehmmen. Ob wir nun wol sunst E. L. sonder schrifftwurdigs nichs anzukhundigen vnd nit zweiffe(1)n, dan das Eur L. vnsern geliebten Sohn hertzog Johanssen etc. zu allem guten anhallten lassen werden, So vbersenden wir doch Eur L. hiemit zeitunge, die erschrocklich vnd in warheit also ergangen sein. Der guttige Got vorleihe vns allen
