129
bawenn muterlich zuerkhennenn geben habenn, Dessenn wissenn sich E. L. sohnlich zuerinnernn. Als vns dann nichs erfrölichers, Dan das vnser Sohnn hochgedacht in christlicher ordenunge Ir lebenn ehlich zubringenn vnd dardurch zu besserer vornunfft greiffenn vnd vilem vngluck vnd entlichenn vorderbe vnd vndergang der Sehlen empflichen mochte, woltenn wir nit vnderlassenn E. L. bey gegenwertigen dem Ehrnuesten vnserem lieben besondern Dieterich Behrn solicher handlunge halb mutterlich zuerinnern. Vnd nachdem wir berichtet, wie das E. L. Diener der herr vonn Dohna, da er vonn E. L. vorleubnus zuerlangen sich nach Breisenn zuuorfugenn, Achtenn wir vnser weiblichenn einfalt nach diser Sachenn nit vndienstlichen vnd ratsam zu sein, E. L. Ime der orter hin vorgondet vnd dergestalt mit beuelch abgefertigt, weil er der ortter bekhandt vnd sich mit seinem bruder des fals in engem Rhat vortraulich vnderreden khondte, Das alsdan soliche dingk furderlichst in die wirklicheit gestalt vnd ergehn mochten, Inmassenn wir dan wissenn, E. l. vns zu allem muterlichen willenn sohnlich geneigt sein. Das wollen wir vmb E. 1. muterlich in ehren vorschulden. Datum 6ten Junij Anno etc. Jm lxijten. Dorothea vonn Gots gnaden zw Dennemark Norwegen der wenden vnd Goten Konigin etc. widwe. Orig. paa Papir med Udskrift til Kongen og Spor af Segl. 75. 1562, 10 Juni. Dorothea vonn Gots gnaden zu Dennemarckenn Norwegenn der Wenden vnd Gothenn Konigin, Gebornn zu Sachssenn etc., hertzogin zu Schleszwig Holstein etc., Widtwe. Was wir ehrnn liebs vnnd guts vormugenn zuuor. Hochgeborner furst freundtlicher geliebter brüder. Was an vns gesucht, werden E. L. aus inligender Süpplication vornehmmen. Ob wir wol nun an E. L. Rechtmesiger erzeigung nit zweiffelnn, Wolltenn wir doch vf so instendigk süchen die begerde vorschrifft nit wegernn, Vnnd bittenn E. L. freundtlich, Was hierin thunlich, diser vnser vorschrifft geniesenn zulassenn. Das sein wir vmb dieselb in trewen vnd ehrnn zuuorschulden freundtlich geneigt. Datum Coldingenn denn 10ten Junij Ao. 62. Paategning: Productum tundern den 16 Junij Ao etc. 62. Original paa Papir med Udskrift til Hertug Hans og Segl (det danske og det saxiske Vaaben). Bilag. Dorchluchtyge grothme chtyge hochgebornne Konnyngynne. J. g. Grothmechtycheit sy myne othmodyge vorplychtyge Stetwyllyge denste vnnderdenychlyken Stedes voran boreyth. Aldergnnedygeste frowe. J. g. grothmechtycheyt tho weten
