132
L. hochstes vleis ersucht die mittel schleunig vorzusetzenn, Damit angerurter vnmensch vnd thätter gestrafft vnd andere darab ein warnunge zuempfahenn, Vnd ob wir wol an Jrer L. rechtmesziger erzeigung nit zweifeln vnd wiszen dieselb dem thatter nit weniger wir kein barmhertzigkeit einraumen werde, Wollen wir doch noch mer vleisig bitten, Dieweil die gerechtigkeit soliche vordampte Sunden andern zum Exempel gestrafft haben will, Damit ermelter freuel vnd Mutwill zu recht gefurdert vnd der vbelthatter geburlich gestrafft, auch der gelt straff, wie hoch die sein mocht, nit genoszen werde. Das wirt Jrer L. zu zeitlicher vnd ewiger gnadenreichen wolfart reichenn, vnd wirt solich vnser befurdern vnd miszgefallen bey Jedem vorstendigenn ohne zweiffel zu mehr rohm gedeihenn, dan wir solichen strafffall vorbittenn oder nachgeben solten. Das aber den thatter, wie E. 1. erachten, Sein adel oder herkommen, auch trunckenheit vnd Jugett hierin vortragen oder helffen sollte, Geben wir E. 1. als dem freundtlichen geliebten bruder vff disen vnsern bericht zuermeszen, ob Jne soliche vorwendung zuentschuldigen, vnnd einer solichen miszhandlung halben vom thatter ein adel, daruff er sich beruofft, zuerspiren. Vnnd werden E. l. vilgemelte frewliche Miszethat aus Gott gegebnen hochen vorstande reifflich erwegen vnd vns mit ferrerm bitten zu ablegung gefaster vngnadt gegem thetter zuuorschonen wiszenn, Darumb wir dan freundtlich thun bitten. Wissenn wir aber E. 1. in andern vnd zimlichem in ehrenn willenfahrn, Darzu sein wir willig. Datum Coldingen 18ten Junij Anno etc. Jm lxij. Paategning: Productum tundern den 19 Junij Aº 62. der Koniginne zu Dennemargken Andtwurt vf f. g. gethane vorbitt hanns Schowgarden belangend. Orig. paa Papir med Udskrift til Hertug Hans og Segl (det danske og det saxiske Vaaben). 78. 1562, 22 Juni. Vnnsern freundtlichen grus vnd was wir in mutterlichenn trewenn Jederzeit ehrenn, liebs vnnd guts vormugenn zuuor. Durchleuchtiger furst, freundtlicher geliebter Sohn. Ob wir wol der vnzweiffelhafftigen mutterlichen zuuorsicht, E. L. werdenn vnsers gemuhts wolmeinunge vnd vnserer beiderseitz gehabte vortrauliche vnderredung mit was vortraglichen raht vnd vorschub derselben freundtlicher geliebter bruder, hertzog Magnus etc. zu des konigs zu Poln schwester, frawlin Katharinna, in ehlichenn gottgefelligenn stande zuuorhelffen, zu freundtlichenn angedencken habenn, Vnd daruff beschehnem vleisigen erbietenn zu fortsetzung solicher handlung, auch vnserm Jungst. bey Dieterich behrn gethonem erinnern vnd bittenn, mit getrewem nachsynnen die wirklicheit vnd abschickung angestalt habenn, Konnen wir doch E. L. zu wenigerm miszuortrawen nit bergenn, Das vns in Dato von des hochgebornen fursten vnsers geliebten vetters, herrn heinrichenn des Jungern, hertzogen zu Braunschweigk vnd
