133
Luneburg gemahln schreibenn vberbracht wordenn, daraus vorstandenn, wölicher gestalt Jre L. von derselben geliebten herrn vnd brüder dem konig zü Polnn schreibenn bekommen, des Inhalts, wie wolmeinlich Jre konigliche wurdin die freundtschafft vnd gut vortrawenn zwischenn derselbenn vnd dem Koniglichen haus zu Dennemark etc. erweitert sehenn, vnd zu bawung mererer vorwandtnus wolgeneigt sey, Aus wölichem an vns gethonem schreibenn, So wir E. 1. ausfurlichen anzumelden vor vnnotig ermessenn, zufassenn, Das zum furderlichsten zuw solicher handlung zuschreitenn vnnd bey Jrer L. bruder dem Konig zu Polnn ansuchung ergehn zu lassenn. Weil wir dann, freundtlicher geliebter Sohnne, vnsers Sohns hertzog Magnussen etc. heil vnd wolfart, wie auch der andern vnnsern geliebten kindernn beide zur seelen vnd leib gern sehen, vnd vns in s. L. gelegenheit vnd zustande vornemlich vnd zum hochsten angelegenn, weil numer derselben Stifft durch E. L. zuthun vnd befurdernn Got lob zu frid gebracht, Seine 1. durch E. 1. hilffreiche furderung Jr lebenn in christlicher ordnung eehlich zuzubringenn, vnd zu angemelter vorwandtnus zugereichenn, dardurch dann Sr. 1. vnehrzweiffel mit hilff des allmechtigen zu besserer vornunfft vnd gottseligem lebenn zugreiffenn, wir auch kunfftiglich vnd durch solichen gottloblichen stande allerley Sorgfaltigkeit abzulegenn, Dero wir vns yetzo, wie E. 1. aus beywesendem vorstande zuermessenn, nit zuentschlagenn. Vnnd bittenn demnach E. 1. als denn freundtlichenn geliebtenn Sohne gantz mutterlich, die wollenn Jres bruders besserung vnd gelegenheit hierin aus angeborner schuldiger trew brüderlichen erwegeun vnd vns zu mutterlichen willen an den konig zu Polnn durch den herrn zu Donna, weil er der orter bekant, oder andere, nach E. 1. rathsam erwegenn, schleunige schickung abfertigenn, vnnd was also zu fortsetzung fruchtbarlichs endts gut vnd notig sein will, an derselbenn bruderlichen erzeigung nichs entgehn zulassen, Vnd Jm fahles dan die gelegenheit hette, wie wir berichtet, das auser dem Koniglichen Polnischen haus in vorheuratung das Jungste fraw(1) in dem eltern nit vorgesetzt, Das alsdan E. 1. gesandte vmb die Elteste anhalltenn vnd dise ding vor der werbung vornunfftiglich erkhundigen liessen. E. L. wollen sich hieruff vnser mutterlichen zuuorsicht vnd der angebornen trew nach wircklich erzeigen, wolichs der liebe Got E. 1. wirt belohnen vnd wir in muterlichen trewen vnuorgessen sein wollen. Datum Coldingen 22ten Junij Ao etc. 62. Dorothea von Gots gnaden zu Dennemarken Norwegen etc. Konigin, Geborn zu Sachssen etc., hertzogin zu Schleszwig Holstein etc., widtwe. Orig. paa Papir med Udskrift til Kongen og Segl (det danske og det saxiske Vaaben). 79. 1562, 22 Juni. Auch freundtlicher geliebter Sohn. Jn dato als wir an E. l. vnser bottschafft abfertigenn wollen, Jst vns E. 1. schreiben, Die Ausbeut des Stiffts Churlandt vnd der 17*
