134
Sonneburgk behendiget worden. Aus selbigem schreiben wir vormerckt, Das sie zu furderlichster erörterung gerurter wechslunge Dietrich behrn abzufertigen, zw wölicher beschickung wir dan vmb weniger nachdenckens willen ann vnsern Sohn hertzog Magnussen etc. vnd dan die Stende des Stiffts Churlandt, Das vns die Ausbeut in allweg angenehm etc., schreiben solten vorfertigenn. Nun ist nit obne, Das wir vff vilfaltig beschehen einbringen, zu was dienstlichen vnd furtraglichen gedey solicher tausch vnserm Sohn hertzog Magnussen zu gereichen, auch vor vnser Person gewilligt vnd vns dessen gegen Eur L. freundtlich vorlauten lasszenn, Nachdem wir aber vnser weiblichen einfalt nach hierin, was zu gemeinem bestenn furdersam, nit reiflich zuerwegen, Als wollen wir doch E. 1. des vor betrachtlichen Rahts vnd vorsichtigkeit wissen, Das sie angemelter auswechslung halben vorsichtiglich, vnd das sie derselben bruder nutz vnd zur richtigkeit dienstlich allenthalben betracht haben, Vnd vbersenden also E. 1. hiemit, weil die sachen numer nit vil vorzugs leiden konnen, ein schreiben an ermelten derselben bruder etc. vnd dan ein Credentz an die Stende des Stiffts Churlandt, Damit vnserdthalb kein vorseumnus zuerscheinen. Weil dann, freundtlicher geliebter Sohn, eben die gelegenheit ietziger zeit vorgefallen, das Dietrich behr die heurats handlung vnd forderung beym Konig zu Poln etc. zuuorrichten, auch E. 1. mit weniger bekostung die abfertigung vff Jn zustellen. So bittenn wir nochmal zum aller freundtlichsten, Eur 1. wollen vns vnd derselben bruder hiemit in getrewem freindtlichen angedenckenn habenn, vnd vns hierin vnd vff dismal zu mutterlichen willenn vnd ehrenn sohnlich willenfahrenn, Damit wir vns zu erfrewen vnd dardurch vnsers Sohns hertzogk Magnussen besserung vnd Gotseliglich leben, wie wir nit zweiffeln, zuerfahrnn. Daraus wollen wir E. 1. sohnlich gemut erspiren vnd soliche erzeigunge in mutterlicher gedechtnus halten. Datum Coldingen den 22ten Junij Anno etc. 62. Dorothea vonn Gots gnadenn zu Dennemark Norwegen der Wenden vnd Gothen Konigin etc., Widtwe. Orig. paa Papir med Udskrift og Segl (det danske og det saxiske Vaaben). 80. 1562, 31 August. Dorothea vonn Gots gnadenn zu Dennemark, Norwegen etc. Konigin, Gebornn zu Sachssen etc., hertzogin zu Schleswig Holstein etc., Widwe. Vnnsern freundtlichen grus vnnd was wir in ehrenn liebs vnd guts vormugen zuuorn. Hochgeborner furst, freundtlicher lieber bruder. Das E. 1. sich freundtlich erpottenn, Jre Rollen, so sie machen lassenn, der Koniglichen w. zu dennemarken vnserm freundtlichen geliebtenn Sohne zu vberlassenn, Thun wir vns derhalben freundtlichen bedanckenn. Nachdem vns aber aus dem land zu Meisen vnder den Guthern,
