135
So diser tagen zu Coldingen geliffert, vber ein par gesandt worden, dauon wir hochgedachten vnsern geliebten Sohne zuuorsehen, Als konnen wir E. 1. freundtlichen willens hierin wol entrahten. Das wir dann Eur 1. hiemit freundtlicher meinungk nit wolten pergen, das sie ohne vorzugk jren wagen fertig zumachen vnd derselben Rollenn zugeprauchen. Datum Sonderburgk 31ten August Ao. etc. lxij. Orig. paa Papir med Udskrift til Hertug Hans og Spor af Seglet. 81. 1562, 15 October. Dorothea vonn Gots gnaden zu Dennemarcken, Norwegen, der Wenden vnd Gothenn Konigin, Gebornn zu Sachssen etc., hertzogin zu Schleszwig, holstein etc., Grauin zu Oldenburg vnd dellmanhorst, Widtwe. Vnnsern freundtlichen grus vnd was wir in ehren liebs vnd guts vormugen stets zuuor. Hochgeborner furst, freundtlicher geliebter Bruder. Das E. L. die gelegenheit desz wassers, So sie vor jre newe behausung zu leitenn, zufassen gnugsam befunden, vnd in vorhabender meinung stehn, darzu zutrachtenn, das dasselbige furder vortzubringen, Darzu wir dan Ewer L. zu freundtlichem gefallen die Rorer, so sie albereidt zu hawenn bestelt, boren vnnd vnsern Rhormeister bedingen lassen wolten. Solichs haben wir aus E. L. freundtlichenn schreiben bey zeigern an vns gethon freundtlich vorstanden, Vnd seihen gantz geneigt E. L. als dem freundtlichen geliebten brudern alles das ihenig mit vleis vortzusetzen vnnd zubefurdern, So zu vollen ziehung angemelts wercks dienstlich vnd zu schleuniger vorfertigung vnd borung der Rhor immer furtraglich sein magk, Damit sich E. L. noch vor disem winther von Jrer alten vnbequemen behausung vnd in die newe zubegebenn. Darzu der allmechtig Got sein segen vnd gnadt geruhe zuvorleihenn. Ob wir vns nun auch wol gefallenn lassenn, E. L. durch die Jre, so derselben neigung hierin zum besten wissenn, mit gerurtem vnserm Rhormeister der besoldung halben gehandelt, Wollen wir doch E. L. freundtlichem begeren nit entsein vnnd es also lassenn vorhandlen, als wir selbst thetenn. Dan E. L. als dem geliebtenn brudern in mehrem in trewenn vnd ehrenn zu willenfahren sein wir freundtlich geneigt. Datum Coldingen 15ten octobris Anno etc. Lxij. Paategning: Productum Haderschleben den 15ten octob. Ao etc. 62. Der Konigin schreiben, erbeut sich die wasserroren boren zu lassen. Original paa Papir med Udskrift til Hertug Hans og Segl (det danske og det saxiske Vaaben). 82. 1562, 26 October. Vnnsern freundtlichen grus vnd was wir in muterlichenn trewenn stes ehrenn
