137
wir sein es nach vnserm muterlichen vormugen in trewen vmb E. L. zuuorschulden mer dan erpotigk. Datum Coldingen den 26ten octob. Anno etc. Ixij. Dorothea von Gots gnaden zu Dennemark Norwegen etc. Konigin, Geborn zu Sachssen etc., Hertzogin zu schleszwig holstein etc., widtwe. Original paa Papir med Udskrift til Kongen og Segl (det danske og det saxiske Vaaben). Paa en lös Seddel: Auch freundtlicher geliebter Sohnne, vbersendenn wir E. L. hiemit auch ein Altfraw, So wir derselben ausgericht vnd jm lande zu holstein auffgepracht. Jst eines guten leumuts vnd namens, Jr besoldung ist vber das ihar iiij daler, Das wolten wir E. 1. freundtlich auch nit pergen. Datum vt in literis. 83. 1562, 2 November. Vnsern freundtlichen grus vnd was wir in muterlichen trewenn ehr liebs vnd guts vormugen, stets zuuor. Durchleuchtiger furst freundtlicher geliebter Sohne. Es hatt vns der hochgeborne furst vnser freundtlicher geliebter Sohn vnd gefatter, herr Augustus Hertzog vnd Churfurst zu Sachssen etc. bey briefsweisers Jrer L. botten schrifftlich berichtett, Mit was getrewen vleise dieselbige E. L. geliebden bruders hertzog hanssen etc. bey hertzog heinrichen zu Braunschweigk vmb richtige erclerung der Coadjuterej sach mit dem Ertzstifft Bremen gedachtt etc., Vnd waruff nhun die furnembste furderung vnd fortsetzung haffte, wie wir vns vorsehen, E. L. aus gedachts Churfursten schreiben nach lengs finden werden. Dieweil dan vor notwendig vnd nutzlich erachtett, nachdem der Ertzbischow hinder des Cappituls bewilligung sich in nichs einzulassen, Vilweniger vor Jre person ychtwas hierin zufurdern, das derhalben E. L. als der ansehliche potentat aus Bruderlicher vorwandtnus D. hencken des Thumbdechandts Stim vnd beyfall in diser sachen zu vorschub Jres geliebten pruders vor allem suchen vnd derhalben beschickung an Jn ergehn lassen solten. Wie dan hertzogk heinrich neben dem Churfursten erpötig ist, nach sollicher eingenohmner erklerungk an vester vnd dapferer fortsetzungk kein vleis zusparen, So wollen wir vns an E. L. gutwilligkeitt kein bedencken machen, Sie werden Jr disz mittel auch mitgefallen lassen, Das dise sach obgedachter liebdten vorschlag nach furgenohmmen vnd zu fruchtt in das werck gerichtett, Jnmassen wir dan E. L. des Koniglichen vnd angepornen bruderlichen gemuhts wissen, was zu furderung Jres geliebten bruders wolfartt vnd Gedey dienstlich, E. L. Jres theils kein mangell sein lassen vnd Christlich behertzigem werden, das es derselben als von Gott gesetztem hochen Regenten ye rohmlich vnd sich der vorwandtnus nach nit anderst geburen wolle denn geringern gebrüdern auch fortzuhelffen vnd sie Jres loblichen Mitherkomens geniesen zulassen. Vnd wan wir dan des willigen erpietens allwegen gewesen vnd
