138
vnd dernoch sein, Die gebur zu noturfftigem behuoff, so in diser sach anzuwenden, ohne E. L. beschwer zuerlegen, So ist vnser freundtt- vnd muterlich bitten, E. L. wollen Jr nit widerich sein lassen, Das sie Jrem geliebten bruder in diser handlung allein mit papir vnd plack, wa sie nitt zu merem geneigtt, zu guthem helff vnd furstendig sey, halben heinrichenn Rantzowen Statthaltern schleunigen schrifftlichen befelch zusende neben Credentz vnuorzuglich bey D. hencken die vnderpawung zu thun vnd sich seiner Stim gewisz zumachen, das also hernach ohne weniger miszvortrawen vort zuschreiten, vnd wolle also E. L. Jr an solicher bemuhungk keinen vordries machen, noch sich von niemandtt zu ychtwas bewegen lassen, So disem Stifftshandell hinderlich sein mocht. Daran erzeigen E. L. sich als der getrewe herbruder vnd furderer, vnd wirtt es der allmechtige Gott, dem wir E. L. hertzlich empfelhen, anderstwa vorgelten. Datum Coldingen den 2ten Nouembris Anno etc. Lxij. Dorothea von Gots gnaden zu Dennemarck, Norwegen etc. Konigin, Geborn zu Sachssen etc., hertzogin zu Schleszwigk, Holstein etc., Widtwe. Paa en indlagt Seddel: Weil dan, freundtlicher geliebter Sohnne, ohne zweifel der Churfurstt nit weniger wir gentzlicher zuuorsicht, E. L. werden sich mit angemelter schickung gutwillig finden lassen, Wie dan derhalben diser bott hensell an E. L. abgefertigett, So kan E. L. die befelch an heinrich Rantzowen oder an Caspar fuchsen nach E. L. gefallen bey solichem potten auch lassen bestellenn, Das durch soliche gelegenheitt Kein anderer bott abzuschickenn, Wie wir dan E. L. mit vilem kosten gern entubrigen woltenn. Das wir E. L. hiemit freundtlich auch nit wolten pergen. Datum vt in Literis. Orig. paa Papir med Udskrift til Kongen og Segl (det danske og det saxiske Vaaben). 84. 1562, 2 November. Dorothea von Gots gnaden zu Dennemarcken Norwegen der wenden vnd Gothen Konigin, geborn zu Sachssen etc., Hertzogin zu Schleswig Holstein Stormarn vnd der Dietmarschen, Gräuin zu Oldenburgk vnd Dellmenhorst, Widtwe. Vnser freundtlich grus vnd was wir in ehren liebs vnd guts vormugen stets zuuor. Hochgeborner Furst, freundtlicher geliebter bruder. Wölicher gestalt wir von vnserm vnderthonen ersuchtt, haben E. L. aus inligender bittschrifft zuuornehmmen. Ob wir nun woll wissen mugen, Das E. L. meniglichen zur billigkeitt zuuorhelffen wol geneigtt, Solten wir doch dem vnsern sein vnderthenigst bitt nit vorsagen, Vnd ist derhalben vnser freundtlich synnen, sie wollen gemeltem vnsern vmb diser vnser
