140
vormercken wir von E. L. zu freundtlichem Danck vnnd wollen es in mehrem muterlich Vorschulden. Datum Coldingen den 11 Nouemb. Ao...... Dorothea von gotts gnaden Konigin zu Dennemark Geborne zu Sachssen etc. Widtwe. Original paa Papir med Udskrift til Kongen („zu Jrer L. eigen handen") og Segl (det danske og det saxiske Vaaben). 86. 1562, 16 November. Vnser freundtlich grus vnd was wir in muterlichenn trewen ehren liebs vnd guts vormugen iederzeitt zuuor. Durchleuchtiger Furst, freundtlicher geliebter Sohne, Es hat vns der Ehrnuest vnser lieber besonder Er herloff Troll Ritter nachlengs berichtet, was E. L. Jme vff mitgegeben Credentzschrifft an vns zu tragen beuolhen, Dabey wir dan E. L. als des freundtlichen geliebten Sohns wolmeinung vnd getrewes mittleiden, So sie neben vns derselben geliebten bruders hertzogk Magnussen halben tragenn, Neben dem auch ditz muterlich vorstanden, Ob woll E. L. zum theil durch beschickung, zum theil mit anderer handtreichung alles muglichs vorgestelt, So zu obgedachts derselben brudern vnd Seiner L. stifft zu vffkommen, gedey vnd sicherheitt zugelangen, So weren doch E. L. vber das erpotig, mit hindahnsetzung solicher hieuor bruderlicher erzeigungk vnd vffgewandter bekhostung, sich gegen Seine L. der begerten zweyer puncten halben den zutrit vnd antheil des Furstenthumbs holstein auch die vnderhaltung betreffendtt etc. aller billichen vnd bruderlichen gebur zuuorhalten, Vnd das demnach Seine L. sich vff E. L. furderung vnd zu schreiben schleunig hieraus zuuorfugen, wie dan gedachter Troll vns E. L. getrewe gemuhts meinung des fals weitleufftig enteckett, Daruor wir dan E. L. als dem geliebten sohne Jrer freundtlichen gutwilligkeitt vnd das sie Jren bruder in so getrewen beuelch vnnd mitleiden haben, vleisigen vnd freundtlichen Danck sagen. Ob vns nun widerich vnd entgegen ist E. L. zu ferrer bekostigung zuuorursachen, So haben vnns doch E. L. ye sohnlich zubedencken, Das es vns aus eingepflantzer liebe vnd mutterlicher vorwandtnus nit anderst gepuren will. Vnd weil wir vns dan E. L. getrewen vnd sohnlichen Rhat, was zu vorbawung kunfftigen vnfals dienstlich, muterlich vnderworffen, So lassen wir vns freundtlich auch gefallen, Das sich vnser Sohn hertzogk Magnus, nachdem S. L. vfs euserst kommen, nach E. 1. gutt beduncken vnd vorschreiben hieraus entheb vnd in dem vnd anderm E. L. als des getrewen herrn bruders Rhatt vnd geheys gelebe, wie dan E. L. vff den fall die richtige vorfugung thun wirtt, Damit sich S. L. mit E. L. zugeordnetenn beuelchhaber ohne anhang vnd vnnotig gesindt vff den weg vorfug, Weshalben wir dan herloff Troll vmb muterlicher sorgfeltigkeitt willen beuolhen vnsere neigung in dem vnd sunst E. L. munthlich anzuzeigen. Was dan E. L. Jren vorwandten zu hilff vnd beystand leisten wirtt, Jst bey gott dem allmechtigen vnuorgessen,
