141
vnd wir wollen es mitt muterlichen nachsehen vmb E. L. hinwider freundtlich vorschulden. Datum Coldingenn 16ten Nouembris Anno etc. Lxij. Dorothea von Gots gnaden zu Dennemarcken, Norwegen, der Wenden vnd Gothen Konigin, geborn zu Sachssen etc., Hertzogin zu Schleszwigk, Holstein, Stormarn vnd der Dietmarschen, Grauin zu Oldenburgk vnnd Dellmanhorst, Widtwe. Orig. paa Papir med Udskrift til Kongen og Segl. Indlagt er en Afskrift af Enkedronningens Brev til Hertug Magnus af samme Dato tilligemed den til Samme hörende indlagte Seddel. 87. 1562, 16 November. Dorothea von Gots gnaden zu Dennemarcken Norwegen der wenden vnd Gothen Konigin, geborn zu Sachssenn etc., Hertzogin zu Schleszwigk Holsteinn Stormarn vnd der Dietmarschen, Grauinn zu Oldenburgk vnd Dellmanhorstt, Widtwe. Vnnserun muterlichen willen zuuor. Hochwurdiger hochgeborner Furst, freundtlicher geliebter Sohne. Nachdem vns der Ehrnuest vnser lieber besonder, Ehr Herloff Troll Ritter, Deiner L. gelegenheitt eroffnett vnd derselben schreiben vberandtwort, Daraus wir Deiner L. Ellenden zustande vnd widerwertigkeitt nit zu geringem bewegtem gemuhtt vnd betraurnus vornohmmen, So haben wir nit vnnderlassen, vngeachtett hie zuuor von vns beshener mer dan muterlicher hilff vnd vormugens, Deiner L. suchen nach die Konigliche wurdin vnsernn frundtlichen geliebten sohne zum vleisigsten belangt vnd es bey Sr. L. vff die wege befurdertt, Obgleich Jre lieb neben vns befunden, Das dein L. sich zumal vorweislich vnd vber alles vorsehen taglich in trunckenheitt vnd anderer vngebur waltzet, Das durch solich vnordentlich vnd vnchristlich leben Dein L. aller noturfft entplost vnd alle beschickung vnd Vortsetzung, So Deiner L. bestes halben geschehenn, gantz vbel angewenndtt vnd vorspilett, Das gleich woll hochgedachter vnser geliebter Sohne solichs nit geachtett vns zu ehren vnnd gefallen sich Deiner L. ferrer in billichem anzunehmmen sich freundtlich erpotten. Vnd weil Deine L. der beider puncten halben zum zutrit Jres vatterlichen erbtheils des Furstenthumbs holstein, Vnd dan auch, da solichs abgeschlagen, der vnderhaltung halben etc. mittell vnd bewilligung gesuchtt, haben die Konigliche wurdin vor ratsam angesehenn, Das dein L. sich vff Jrer L. furdern vnnd ankhundigen Derhalben vnd zu allerhandtt noturfftiger redsetzung hieraus vorfuge, Das wir vns dan aus den beduncken auch nit lassen misfallen. Dieweil mit schreiben bey Deiner L. nichs auszurichten, Achten wir es an personlicher erinnerung vnd ernstlicher ermanung ettwas besser frucht schaffen werde, Das dan der allmechtige gott mitt gnaden vorleihe. Es wirt derhalben Deine 18*
